Пра гэта былы палітвязень Алесь Міхалевіч паведаміў у сваім фэйсбуку.
«Абскардзіў у пракуратуру адмову следчага зачыняць маю крымінальную справу. Пракуратура пераслала скаргу ў Следчы камітэт, які павінен быў праверыць дзеянні самога сябе. Праверыў, парушэнняў не знайшоў. Карацей, мой статус не змяніўся: абвінавачваемы, масавыя беспарадкі, ад 5 да 15», — напісаў ён.
Алесь Міхалевіч падаў сваё прашэнне аб спыненні справы паралельна з вяртаннем у Беларусь, якое адбылося 8 верасня.
Ён застаецца апошнім чалавекам з незакрытай крымінальнай справай па падазрэнні ў датычнасці да нібыта «масавых беспарадкаў» у дзень прэзідэнцкіх выбараў 2010 года.
У лютым 2011 года Міхалевіча выпусцілі з турмы пад падпіску пра нявыезд. Пазней ён заявіў, што ў вязніцы КДБ яго катаваннямі змусілі пагадзіцца на сакрэтнае супрацоўніцтва са спецслужбай. Праз некаторы час пасля сваіх выкрыццяў ён таемным чынам пакінуў Беларусь.
Каментары