Pres-sakratar prezidenta Rasii Dźmitryj Piaskoŭ, kamientujučy krušeńnie samalota A321 avijakampanii «Kahałymavija», zajaviŭ, što Uładzimir Pucin nie płanuje rabić jakuju-niebudź śpiecyjalnuju zajavu z hetaj pryčyny. Pry hetym jon padkreśliŭ, što Pucin atrymlivaje ŭsiu infarmacyju ab chodzie rasśledavańnia pryčyn katastrofy.
Havoračy ab vierahodnych pryčynach padzieńnia samalota, Piaskoŭ skazaŭ, što nielha vyklučać nivodnuju ź viersij, u tym liku terarystyčny akt.
«Śledstva tolki pačynaje svaju pracu, jakaja ź viersij laža ŭ asnovu pa miery prasoŭvańnia śledčych dziejańniaŭ, my zaraz skazać nie možam. Ale ŭ lubym vypadku zaraz artykulavać niejkija papiarednija zdahadki, niejkija dumki, niejkija śćviardžeńni, jakija ni na čym nie hruntujucca, heta całkam niasłušna», — skazaŭ Piaskoŭ.
Dla razumieńnia pryčyn katastrofy treba dačakacca vynikaŭ śledstva, «a nie zajmacca niejkimi śpiekulacyjami», dadaŭ Piaskoŭ.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary