Прэс-сакратар прэзідэнта Расіі Дзмітрый Пяскоў, каментуючы крушэнне самалёта А321 авіякампаніі «Кагалымавія», заявіў, што Уладзімір Пуцін не плануе рабіць якую-небудзь спецыяльную заяву з гэтай прычыны. Пры гэтым ён падкрэсліў, што Пуцін атрымлівае ўсю інфармацыю аб ходзе расследавання прычын катастрофы.
Гаворачы аб верагодных прычынах падзення самалёта, Пяскоў сказаў, што нельга выключаць ніводную з версій, у тым ліку тэрарыстычны акт.
«Следства толькі пачынае сваю працу, якая з версій ляжа ў аснову па меры прасоўвання следчых дзеянняў, мы зараз сказаць не можам. Але ў любым выпадку зараз артыкуляваць нейкія папярэднія здагадкі, нейкія думкі, нейкія сцвярджэнні, якія ні на чым не грунтуюцца, гэта цалкам няслушна», — сказаў Пяскоў.
Для разумення прычын катастрофы трэба дачакацца вынікаў следства, «а не займацца нейкімі спекуляцыямі», дадаў Пяскоў.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары