Ale prychilniki apazicyjnaj Nacyjanalnaj lihi za demakratyju jašče ź niadzieli śviatkujuć pieramohu.
Vybarčaja kamisija Mjanmy 9 listapada adkłała abviaščeńnie pieršych vynikaŭ parłamienckich vybaraŭ, jakija prajšli ŭ niadzielu pry rekordnaj jaŭcy. U toj ža čas pradstaŭniki apazicyi ŭžo śviatkujuć pieramohu.
Pieršyja vyniki parłamienckaj kampanii pavinny byli być abvieščanyja ŭ 09:00 pa miascovym časie (05:30 pa Minsku). Adnak abviaščeńnie vynikaŭ biez tłumačeńnia pryčyn było pieraniesiena na druhuju pałovu dnia. U vybarkamie abiacajuć pastupova apublikavać vyniki hałasavańnia pa kožnym subjekcie krainy (14 štataŭ i administracyjnych abłaściej).
U toj ža čas prychilniki apazicyjnaj Nacyjanalnaj lihi za demakratyju (NŁD) jašče ź niadzieli śviatkujuć pieramohu. Tysiačy ludziej u Janhonie sabralisia kala doma lidara partyi, łaŭreata Nobieleŭskaj premii miru Aun San Su Čžy z transparantami: «My pieramahli». «My pakul nie možam paviedamić vam dakładnyja dadzienyja. Mahu tolki skazać, što ŭ NŁD vielmi dobryja pazicyi», — paviedamiŭ pradstaŭnik partyi Cin O.
Jak adznačajuć naziralniki, dla pieramohi NŁD nieabchodna atrymać dźvie traciny miescaŭ u abiedźviuch pałatach parłamienta, bo 25%, zhodna ź miascovym zakanadaŭstvam, aŭtamatyčna zareziervavany za ŭzbrojenymi siłami krainy. Pry hetym kirujučaj Sajuznaj partyi salidarnaści i raźvićcia (SPSR), jakaja maje padtrymku ŭ vojsku, dla absalutnaj pieramohi budzie dastatkova tolki 40% miescaŭ u parłamiencie.
Parłamient u Mjanmie źjaviŭsia tolki ŭ 2010 hodzie. Da hetaha ŭ krainie z 1962 hoda zachoŭvałasia vajennaja dyktatura. Pa dadzienych miascovych ŚMI, jaŭka ŭčora skłała kala 80%. Adnak vybarkam respubliki hetyja dadzienyja pakul nie paćvierdziŭ.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary