17 listapada ŭ Žłobinskim rajonie na adnym z učastkaŭ aŭtadarohi adnačasova adbyłosia dva darožna-transpartnych zdareńni.
Jak paviedamili va UDAI UUS Homielskaha abłvykankama, 17 listapada prykładna ŭ 8.00 kiroŭca aŭtamabila «Mersedes» na moście praz raku Dniepr nie spraviŭsia z kiravańniem z-za ślizkaj darohi i najechaŭ na aharodžu mosta. Jašče čatyry lehkavyja aŭtamabili, jakija ruchalisia zzadu ŭ tym ža kirunku, užyli ekstrannaje tarmažeńnie, ale z-za ślizkaj darohi nie zmahli paźbiehnuć sutyknieńnia adzin z adnym.
Pasažyr adnaho z aŭtamabilaŭ uziaŭ znak avaryjnaha prypynku i pabieh nazad, kab spynić transpartny patok.
Prykładna ŭ 150 mietrach ad miesca zdareńnia, pabačyŭšy čałavieka, jaki bieh sa znakam avaryjnaha prypynku, kiroŭca lehkavoha aŭtamabila z paŭpryčepam zatarmaziŭ. Hruzavy aŭtamabil «MAZ», što ruchaŭsia za im, taksama ekstranna zatarmaziŭ, ad čaho jaho raźviarnuła i jon sutyknuŭsia z pryčepam, a zatym najechaŭ na aharodžu mosta.
U vyniku sutyknieńnia pryčep adarvaŭsia ad lehkavoha aŭtamabila. Jašče try lehkavyja aŭtamabili ŭ sprobie abjechać miesca DTZ prymianili ekstrannaje tarmažeńnie, ale na ślizkaj darozie sutyknulisia adzin z adnym. Ludzi ŭ DTZ nie paciarpieli.
Supracoŭnikami Dziaržaŭtainśpiekcyi składzieny pratakoł u dačynieńni da słužbovaj asoby DEU № 47 UP «Homielaŭtadar» za parušeńnie praviłaŭ utrymańnia daroh. Słužbovaja asoba budzie pryciahnutaja da administracyjnaj adkaznaści ŭ adpaviednaści ź dziejučym zakanadaŭstvam.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary