AP
U sieradu, 18 listapada, francuzskaja palicyja pry padtrymcy śpiecnaza i vajskoŭcaŭ pravodzić śpiecapieracyju ŭ paryžskim pryharadzie Sien-Deni, dzie ŭ adnoj z kvater u centry horada schavalisia padazravanyja ŭ datyčnaści da teraktaŭ 13 listapada.
U kvatery, jak miarkujecca, chavajecca padazravany ŭ arhanizacyi teraktaŭ, Abdelchamid Abaud. Pry sprobie šturmu dvoje padazravanych byli zabityja. Adzin byŭ zastreleny snajpieram, žančyna-śmiarotnica pryviała ŭ dziejańnie pojas z vybuchoŭkaj, paviedamlaje prakuratura Paryža.
Śpiecapieracyja pravodzicca ŭ domie na płoščy Žan-Žares, raźmieščanaj za 800 mietraŭ ad stadyjona «Stad de Frans», dzie 13 listapada padarvali siabie troje śmiarotnikaŭ.
Pa słovach ministra justycyi, palicejskaja apieracyja ŭ Sen-Deni blizkaja da zaviaršeńnia. Apieracyja pačałasia na zołku, kala pałovy na piatuju ranicy. U centry Sien-Deni adbyłosia niekalki pierastrełak, dvoje palicejskich atrymali ranieńni, paviedamlaje hazieta «Mond».
Pa dadzienych ahienctva Frans-Pres, jakoje spasyłajecca na palicejskija krynicy, metaj apieracyi byŭ hałoŭny padazravany ŭ arhanizacyi teraktaŭ 13 listapada ŭ Paryžy Abdelchamid Abaud. Raniej mierkavałasia, što Abaud znachodzicca ŭ Siryi.
AFP paviedamlaje ab zatrymańni ŭ centry horada haspadara kvatery, jaki skazaŭ, što ŭ joj pražyvali ludzi, jakija pryjechali ź Bielhii. U kvatery pa-raniejšamu znachodzicca adzin čałaviek.