Asnoŭny ŭładalnik meblevaj hrupy kampanij «ZOV» Aleh Zuchavicki znoŭ apynuŭsia pad vartaj. Dadzienuju infarmacyju TUT.BY paćvierdziŭ pres-sakratar KDB Dźmitryj Pabiaržyn.
Niekalki tydniaŭ tamu Aleh Zuchavicki byŭ vyklikany na dopyt u Minsk. Adnak u Hrodna ŭžo nie viarnuŭsia.
«[Pa spravie kampanii ZOV] vykrytyja novyja fakty. Tamu jamu źmienienaja miera strymańnia na zaklučeńnie pad vartu», — skazaŭ pradstaŭnik KDB.
18 lutaha KDB Biełarusi raspaŭsiudziŭ paviedamleńnie ab zatrymańni hrupy asob, u jakuju ŭvachodzili pradstaŭniki kiraŭnictva hrupy kampanij «ZOV», a taksama šerahu kamiercyjnych struktur. Ich padazravali ŭ atrymańni cieniavych dachodaŭ z nastupnym vyvadam srodkaŭ za miežy krainy i niavypłataj padatkaŭ u asabliva bujnym pamiery.
U mai asnoŭny ŭładalnik kampanii Aleh Zuchavicki vyjšaŭ na volu. «U košt pakryćcia ŭronu dziaržavie ŭžo pastupiła 31,4 młrd rubloŭ», - paviedamiŭ dyrektar Departamienta finansavaha manitorynhu KDK Viačasłaŭ Reut.
Praź niekalki tydniaŭ paśla vychadu na volu biznesmen zapuściŭ u Hrodnie novuju fabryku pa vytvorčaści vyrabaŭ z naturalnaha dreva.
Atrymać kamientar u siamji Zuchavickaha nie ŭdałosia.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary