Udzielnika «Armiejskich hulniaŭ» z Bakštaŭ asudzili pa piaci palityčnych artykułach
Alaksandr Aŭdzievič u mirnym žyćci rabiŭ vokny z PVCH. Kali słužyŭ, to byŭ vybitnym vajskoŭcam: navat reprezientavaŭ Biełaruś na mižnarodnych vajskovych spabornictvach. Ale niadaŭna Hrodzienski abłasny sud adpraviŭ jaho za kraty.
Alaksandru Aŭdzieviču 34 hady. Jon rodam ź vioski Zabieraź Iviejskaha rajona — toj, ź jakoj pachodzić taksama Mikoła Šyła, adzin z zasnavalnikaŭ Biełaruskaj Narodnaj Respubliki, aŭtar «Našaj Nivy» i siabar Rady BNR.
Žyŭ Aŭdzievič apošnim časam u vialikaj vioscy Bakšty, jakaja zusim pobač.
Vučyŭsia Aŭdzievič u Biełaruskim dziaržaŭnym technałahičnym univiersitecie. Paśla zakančeńnia jon pajšoŭ słužyć u vojska ŭ śpiecnaz. Padčas słužby Alaksandr braŭ udzieł u Mižnarodnych armiejskich hulniach u 2015 hodzie. Tady biełaruskaja kamanda zaniała treciaje miesca ŭ ahulnakamandnym zaliku.
Paśla armii, z 2016 hoda, Aŭdzievič pracavaŭ u pradpryjemstvie «Damonte». Hetaja kampanija zajmajecca vytvorčaściu roznych vyrabaŭ z PVCH i aluminiju.
Alaksandra zatrymali ŭ hetym hodzie ci pry kancy minułaha hoda. Jaho asudzili ŭ Hrodzienskim abłasnym sudzie adrazu pa piaci kryminalnych artykułach: «sadziejničańnie ekstremisckaj dziejnaści» (č. 1 i č. 2 art. 361‑4 KK), «raspalvańnie varožaści» (č. 1 art. 130), «arhanizacyju dziejańniaŭ, što parušajuć hramadski paradak» (č. 1 art. 342), paklop i abrazu Łukašenki (č. 1 i č. 2 art. 367 i č. 1 art. 368).
Aŭdzieviču pahražała da siami hadoŭ kałonii sa štrafam. Pra vynik suda, jak u bolšaści palityčnych spraŭ ciapier, publična nie paviedamlałasia. Ale viadoma, što Aŭdzievič ciapier adbyvaje pakarańnie ŭ kałonii.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆAsudzili pa kryminałcy minčanina, jaki ŭ tredsach usumniŭsia ŭ isnavańni hitleraŭskaha płana «Ost»
70‑hadovuju minčanku asudzili za «abrazu Łukašenki» i «raspalvańnie varožaści»
Źnik u SIZA pa spravie ab padatkach, a znajšoŭsia ŭ śpisie «ekstremistaŭ». Što viadoma pra biznesmiena z Žodzina Siarhieja Pako
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary