Byłoha kiraŭnika Kirhizstanu Kurmanbieka Bakijeva, a taksama jahonaha brata Žanybieka Bakijeva i jašče niekalkich čynoŭnikaŭ abvinavačvajuć u niezakonnym pieravodzie ziamielnych učastkaŭ u pryharadzie Biškieka z adnoj katehoryi ŭ inšuju.
Hieneralnaja prakuratura krainy paviedamiła, što raśśledavańnie kryminalnaj spravy pa fakcie niezakonnaj transfarmacyi ŭ 2008 hodzie šerahu ziamielnych učastkaŭ skončana. Z katehoryi «ziemli sielskahaspadarčaha pryznačeńnia» ŭčastki pieravodzilisia u katehoryju «ziemli nasielenych punktaŭ».
Kurmanbieku Bakijevu i jahonamu bratu Žanybieku pradjavili abvinavačańnie za pasobnictva ŭ karupcyi.
Kryminalnaja sprava nakiravanaja ŭ Kastryčnicki rajonny sud Biškieka.
Eks-prezydent Kirhizstanu Kurmanbiek Bakijeŭ byŭ zrynuty ŭ krasaviku 2010 hodu, paśla čaho razam sa svajakami ŭciok z krainy. Za rasstreł demanstrantaŭ i šerah inšych asabliva ciažkich złačynstvaŭ razam z Žanybiekam Bakijevym, jaki ŭznačalvaŭ Słužbu dziaržaŭnaj achovy, kirhiski sud zavočna asudziŭ Kurmanbieka Bakijeva da vyšejšaj miery pakarańnia — pažyćciovaha źniavoleńnia z kanfiskacyjaj majomaści.
Eks-prezydent i jahony brat ciapier žyvuć u Miensku. Kirhiskija ŭłady nieadnarazova patrabavali ad Biełarusi ich ekstradycyi, ale kožny raz im admaŭlali.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary