Былога кіраўніка Кіргізстану Курманбека Бакіева, а таксама ягонага брата Жаныбека Бакіева і яшчэ некалькіх чыноўнікаў абвінавачваюць у незаконным пераводзе зямельных участкаў у прыгарадзе Бішкека з адной катэгорыі ў іншую.
Генэральная пракуратура краіны паведаміла, што расьсьледаваньне крымінальнай справы па факце незаконнай трансфармацыі ў 2008 годзе шэрагу зямельных участкаў скончана. З катэгорыі «землі сельскагаспадарчага прызначэньня» ўчасткі пераводзіліся у катэгорыю «землі населеных пунктаў».
Курманбеку Бакіеву і ягонаму брату Жаныбеку прад’явілі абвінавачаньне за пасобніцтва ў карупцыі.
Крымінальная справа накіраваная ў Кастрычніцкі раённы суд Бішкека.
Экс-прэзыдэнт Кіргізстану Курманбек Бакіеў быў зрынуты ў красавіку 2010 году, пасьля чаго разам са сваякамі ўцёк з краіны. За расстрэл дэманстрантаў і шэраг іншых асабліва цяжкіх злачынстваў разам з Жаныбекам Бакіевым, які ўзначальваў Службу дзяржаўнай аховы, кіргіскі суд завочна асудзіў Курманбека Бакіева да вышэйшай меры пакараньня — пажыцьцёвага зьняволеньня з канфіскацыяй маёмасьці.
Экс-прэзыдэнт і ягоны брат цяпер жывуць у Менску. Кіргіскія ўлады неаднаразова патрабавалі ад Беларусі іх экстрадыцыі, але кожны раз ім адмаўлялі.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары