Rasija razhortvaje sučasnyja sistemy SPA uzdoŭž usioj miažy z NATA — ad Mižziemnaha mora da dalokaj poŭnačy. Z takim śćviardžeńniem vystupiŭ hienieralny sakratar NATA Jens Stołtenbierh pacla prybyćcia na sustreču kiraŭnikoŭ MZS krain NATA.
«Rasija razhortvaje sučasnyja sistemy SPA ŭzdoŭž usioj miažy z NATA. Akramia Siryi i ŭschodniaj častki Mižziemnaha mora (dzie paśla incydentu z Su-24M RF raźmiaściła sistemu S-400), my nazirajem anałahičnyja dziejańni ŭ Krymie, blizu krain Bałtyi, u Kalininhradzie i la dalokich paŭnočnych miežaŭ. Heta tyja sučasnyja, składanyja mahčymaści, jakija zabiaśpiečvajuć zakryćcio pavietranaj prastory. Da hetych dziejańniaŭ NATA adaptujecca, naroščvaje svaju prysutnaść va ŭschodnich krainach aljansu», — zajaviŭ Stołtenbierh.
«My ŭvažliva adsočvajem i aceńvajem hetyja dziejańni. Heta častka našaha novaha akružeńnia ŭ śfiery biaśpieki», - adznačyŭ hienieralny sakratar.
Jon taksama znoŭ paŭtaryŭ, što kiraŭniki MZS NATA razhledziać na sustrečy ŭ Bruseli miechanizmy pa pavyšeńni prazrystaści vajennaj aktyŭnaści ŭ Jeŭropie i źnižeńnia ryzyk eskałacyi abo incydentaŭ u dačynieńni da Rasii.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary