Žurnalistka «NN» sprabavała trapić u KNDR. Što ŭ jaje pytalisia ŭ ankiecie na vizu?
«Ci zhodnyja vy z tym, što ŭ vypadku parušeńnia praviłaŭ znachodžańnia ŭ KNDR vy možacie padvierhnucca pakarańniu (turemnaje źniavoleńnie, pierabyvańnie ŭ pracoŭnym łahiery)»?
10-16 śniežnia ŭ Minsku projdzie «tydzień KNDR», pryśviečany turu ŭ adnu z samych zakrytych krain śvietu.
U mai 2016 hoda ź Minska ŭ Pchieńjan płanujecca vylet znakamitaha TU-154. 150 śmielčakoŭ palaciać u Paŭnočnuju Kareju znajomicca z kulturaj hetaj krainy. Kali vy žadajecie stać udzielnikam tura ŭ KNDR, vam prapanujuć zapoŭnić ankietu. Pytańni vielmi cikavyja. Naprykład, voś hety: «Ci zhodnyja vy z tym, što ŭ vypadku parušeńnia praviłaŭ znachodžańnia ŭ KNDR vy možacie padvierhnucca pakarańniu (turemnaje źniavoleńnie, pierabyvańnie ŭ pracoŭnym łahiery)»?
Asabliva dziŭnaje pytańnie: «Kolki hadzin u sutki vam nieabchodna dla snu?» Varyjanty: «3», «4», «5», «inšaje».
Prahrama «Tydnia KNDR»:
10 śniežnia, 19.00 — 21.00
Vystava płakataŭ z Paŭnočnaj Karei, jakaja budzie doŭžycca da 16 śniežnia. Hości viečara — dyrektar hurtu «Lapis Trubiacki» Jaŭhien Kałmykoŭ i zasnavalnik kampanii Merlintour Barys Ułasaŭ, jakija ŭžo paśpieli źlotać u KNDR, padzielacca zroblenymi ŭpotaj fotazdymkami dy historyjami.
11 śniežnia, 19.00 - 21.00
Dakumientalny film pra Paŭnočnuju Kareju.
14 śniežnia, 19.00 - 21.00
Hladzim mastacki film pra Paŭnočnuju Kareju.
15 i 16 śniežnia, 10:00 — 19:00.
Na praciahu pracoŭnaha dnia ŭ ofisie Merlintour funkcyju «štatnaha ekśpierta» vykonvaje Volha Sikorskaja, jakaja raskaža pra KNDR. Praśpiekt Pieramožcaŭ, 5, ofis Merlintour. Uvachod: biaspłatny. Kolkaść miescaŭ abmiežavanaja, treba zapisacca pa telefonie: 8(033)3224059 (Iryna).
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary