U minskim mietro pačała pracu mabilnaja biblijateka, stvoranaja apierataram suviazi «MTS» na bazie dziesiaci vahonaŭ, stylizavanych pad pakoi z knižnymi palicami. Biblijateka dastupnaja ŭsim pasažyram.
Jak paviedamlaje pres-słužba «MTS», meta mabilnaj biblijateki — z dapamohaj sučasnych technałohij zrabić čytańnie dastupnym i papularnym. U mietro na praciahu paŭhoda buduć kursiravać dziesiać vahonaŭ, pryśviečanych piaci tematykam: dziciačaj litaratury, kłasicy, biestseleram, detektyŭnym, mistyčnym i fantastyčnym tvoram i kniham dla dobraha nastroju. Pieršyja čatyry vahony ŭžo absłuhoŭvajuć pasažyraŭ, a na praciahu bližejšych dvuch tydniaŭ da ich dałučacca jašče šeść.
Usiaredzinie kožnaha ź dziesiaci vahonaŭ «MTS» raźmiaściŭ amal pa 50 uryŭkaŭ z papularnych knih, kab vyklikać u ludziej žadańnie pračytać hetyja tvory całkam. Akramia hetaha, pasažyry znojduć u vahonach instrukcyi, jakija adkryvajuć u miežach mabilnaj biblijateki biaspłatny dostup bolš jak da 500 tysiač raznastajnych tvoraŭ na dzieviaci movach. Takim čynam, minčanie i hości stalicy zmohuć spampoŭvać lubimyja tvory i čytać ich prama ŭ padziemcy.
«My zapuścili «Mabilnuju biblijateku» ŭ mietro, kab viarnuć cikavaść ludziej da čytańnia. Statystyka śviedčyć pra toje, što ludzi z kožnym hodam čytajuć usio mienš knih, a knihaabarot u handli štohod źnižajecca na 20%. Hetym adnačasova adukacyjnym, sacyjalnym i imidžavym prajektam my chočam nahadać, što čytać — heta nie tolki cikava i karysna, ale i prosta», — prakamientavaŭ dyrektar pa markietynhu kampanii «MTS» Dzianis Ciareščanka.
Kab biaspłatna aprabavać mabilnuju biblijateku, abanientam «MTS» treba adpravić sa smartfona ci płanšeta USSD-zapyt *703#. Paśla hetaha nieabchodna prajści pa spasyłcy, jakaja pryjdzie ŭ SMS-paviedamleńni, i ŭstalavać prahramu Bookmate, na bazie jakoj i pracuje biblijateka. Stać karystalnikam Bookmate taksama možna, zajšoŭšy na sajt servisu Bookmate.com abo zahruziŭšy prahramu App Store ci Google Play.
Abanienty «MTS» zmohuć biaspłatna karystacca mabilnaj biblijatekaj na praciahu pieršych troch dzion. U dalejšym padpiska na servis stanie płatnaj — jaje košt dla abanientaŭ «MTS» składzie 1.950 rubloŭ za sutki. Trafik na vykarystańnie mabilnaj biblijateki nieabmiežavany i biaspłatny.
Čytać knihi z dapamohaj Bookmate možna jak sa smartfona ci płanšeta na bazie iOS i Android, tak i z kampjutara.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara6
Kamientary