U Miensku prajšło pasiedžańnie arhkamitetu pa padrychtoŭcy «Čarnobylskaha šlachu». Vyznačany čas praviadzieńnia i maršrut akcyi.
U Miensku prajšło pasiedžańnie arhkamitetu pa padrychtoŭcy «Čarnobylskaha šlachu». Vyznačany čas praviadzieńnia i maršrut akcyi.
Pryniataje rašeńnie pryznačyć zbor udzielnikaŭ mierapryjemstva 26 krasavika a 14 hadzinie kala Akademii Navuk. Šeście planujecca ładzić pa hałoŭnym praspekcie da płoščy Niezaležnaści.
Namieśnik kiraŭnika Ruchu «Za Svabodu» Viktar Karniajenka ličyć, vybar maršrutu vielmi symbaličnym:
— Pa takim samym maršrucie adbyŭsia pieršy «Čarnobylski šlach» u 1989‑m hodzie. U im brali ŭdzieł navukoviec AN SSSR spadar Jaŭhien Vielichaŭ, viadom biełaruski piśmieńnik i Hramadzianin svajoj krainy Aleś Adamovič, palityk Stanisłaŭ Šuškievič. Vielmi važna, što i narod, i palityčnyja partyi, i biełaruskija ŭłady u toj čas sychodzilisia ŭ acenkach nastupstvaŭ katastrofy. Ludzi kansalidavalisia i akcyja prachodziła biez kanfrantacyj.
Sioletni «Čarnobylski šlach» vyrašana pravieści pad lozunhami niazhody z budaŭnictvam AES biez hramadzkaha abmierkavańnia i kantrolu, patrabavańnia naležnaj achovy zdaroŭja nasielnictva i suprać admieny sacyjalnych harantyj paciarpiełym ad katastrofy, u tym liku likvidataram.
Zajaŭku ŭ Mienharvykankam, jakaja budzie padadziena da sierady nastupnaha tydnia, padpiša lider Ruchu «Za Svabodu» Alaksandar Milinkievič, a taksama pradstaŭniki Partyi BNF, AHP, BSDP(H) i hramadzkich arhanizacyj.
Kamientary