Akcyja pratestu handlaroŭ u Baranavičach nie adbyłasia: na płošču pryjšli tolki dvoje
U vyniku inicyjatar pratestu Mikoła Čarnavus admianiŭ svoj pikiet.
Mikoła Čarnavus padavaŭ na 4 studzienia zajaŭku ŭ Baranavicki harvykankam na vialiki pikiet pradprymalnikaŭ. Čynoŭniki akcyju pravodzić zabaranili, a Čarnavusa papiaredzili pra mahčymuju administracyjnuju i navat kryminalnuju adkaznaść za praviadzieńnie niesankcyjanavanaj akcyi.
Spadar Čarnavus usio ž pryjšoŭ na płošču da harvykankamu, kab pahladzieć, ci pryjduć pratestavać pradprymalniki. Nie dačakaŭšysia svaich kalehaŭ, Mikoła Čarnavus raspavioŭ žurnalistam, što akcyju pravodzić nia maje sensu, kali jaje nie padtrymlivajuć sami pradprymalniki: «Ja maju dakumenty, sertyfikaty. I moh by lažać na piečy i čakać, kali paciapleje, dy pajści na rynak. Ale dziela ich ja pryjšoŭ pahladzieć, pryjduć pradprymalniki ci nie».
Spadar Čarnavus pryznaŭsia: jon spadziavaŭsia, što na akcyju, choć i zabaronienuju, vyjdzie chacia b sotnia pradprymalnikaŭ. Sam jon handluje cackami, jakija majuć nieabchodnyja sertyfikaty, ale kaža, što «nia moža siadzieć ubaku, kali ŭciskajuć inšych handlaroŭ».
Akramia Čarnavusa, na płošču pryjšła jašče adna pradprymalnica. Na pytańnie, čamu ŭsie pradprymalniki zbajalisia vyjści pratestavać, a jana — nie, žančyna adkazała, što joj, «pensijanercy, užo niama čaho bajacca».
Pratestavać baranavickija pradprymalniki chacieli ŭ suviazi z tym, što 1 studzienia 2016 hodu ŭstupiŭ u siłu ŭkaz № 222. Jon patrabuje, kab pradprymalniki realizoŭvali pradukcyju lohkaj pramysłovaści, uviezienuju z krain Mytnaha sajuzu, tolki z supravadžalnymi dakumentami. Prablema ŭ tym, što rasiejskija pastaŭščyki, u jakich zakuplajuć tavar bolšaść biełaruskich IP, jak praviła, admaŭlajucca vydavać dakumenty ab pachodžańni pradukcyi albo pradstaŭlajuć fiktyŭnyja daviedki. U vyniku IP cierpiać ad štrafaŭ i kanfiskacyjaŭ.
Mnohija pradprymalniki zajaŭlajuć ab spynieńni pracy na niavyznačany termin.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary