Prezident ZŠA Barak Abama vystupiŭ z emacyjnaj zajavaj ab uviadzieńni ŭ krainie novych mier pa ŭzmacnieńni žorstkaści kantrolu pry prodažy ahniastrelnaj zbroi.
Vystupajučy ŭ Biełym domie, Abama zapłakaŭ, uspaminajučy pra achviaraŭ masavaha zabojstva ŭ pačatkovaj škole ŭ Ńjutaŭnie, štat Kaniektykut, i inšych padobnych złačynstvaŭ.
Vycirajučy ślozy, amierykanski prezident zajaviŭ, što «zbrojevaje łobi bolš nie moža trymać krainu ŭ zakładnikach».
Novyja miery praduhledžvajuć bolš dbajnuju pravierku dadzienych kožnaha pakupnika zbroi, u tym liku ab mahčymaj najaŭnaści ŭ jaho pravaparušeńniaŭ, psichičnych zachvorvańniaŭ i schilnaści da chatniaha hvałtu. Akramia hetaha, kožny pradaviec zbroi ŭ ZŠA ciapier u abaviazkovym paradku pavinien mieć fiederalnuju licenziju.
U ciapierašni čas mnohija pradaŭcy ŭ internecie i na vystavach handlujuć ahniastrelnaj zbrojaj bieź licenzii. Dla praviadzieńnia pravierak dadzienych patencyjnych pakupnikoŭ štat FBR pavialičycca bolš čym na 230 čałaviek.
Prezident Abama uvodzić novyja miery svaim asabistym ukazam, u abychod apazicyi kanhresa. Zakony ab paviedamleńni pra zhublenuju abo vykradzienuju zbroju taksama robiacca bolš žorstkimi.
Kolkaść zabojstvaŭ z prymianieńniem ahniastrelnaj zbroi ŭ ZŠA značna vyšejšaja, čym u inšych raźvitych krainach — kala 30 tysiač štohod.
Prava na svabodnaje našeńnie zbroi harantavanaje hramadzianam ZŠA druhoj papraŭkaj da kanstytucyi.
Kamientary