Прэзідэнт ЗША Барак Абама выступіў з эмацыйнай заявай аб увядзенні ў краіне новых мер па ўзмацненні жорсткасці кантролю пры продажы агнястрэльнай зброі.
Выступаючы ў Белым доме, Абама заплакаў, успамінаючы пра ахвяраў масавага забойства ў пачатковай школе ў Ньютаўне, штат Канектыкут, і іншых падобных злачынстваў.
Выціраючы слёзы, амерыканскі прэзідэнт заявіў, што «зброевае лобі больш не можа трымаць краіну ў закладніках».
Новыя меры прадугледжваюць больш дбайную праверку дадзеных кожнага пакупніка зброі, у тым ліку аб магчымай наяўнасці ў яго правапарушэнняў, псіхічных захворванняў і схільнасці да хатняга гвалту. Акрамя гэтага, кожны прадавец зброі ў ЗША цяпер у абавязковым парадку павінен мець федэральную ліцэнзію.
У цяперашні час многія прадаўцы ў інтэрнэце і на выставах гандлююць агнястрэльнай зброяй без ліцэнзіі. Для правядзення праверак дадзеных патэнцыйных пакупнікоў штат ФБР павялічыцца больш чым на 230 чалавек.
Прэзідэнт Абама уводзіць новыя меры сваім асабістым указам, у абыход апазіцыі кангрэса. Законы аб паведамленні пра згубленую або выкрадзеную зброю таксама робяцца больш жорсткімі.
Колькасць забойстваў з прымяненнем агнястрэльнай зброі ў ЗША значна вышэйшая, чым у іншых развітых краінах — каля 30 тысяч штогод.
Права на свабоднае нашэнне зброі гарантаванае грамадзянам ЗША другой папраўкай да канстытуцыі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы55
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары