Elektronnuju čarhu płanujecca ŭvieści na 15 aŭtadarožnych punktach propusku praź dziaržhranicu Biełarusi da kanca 2018 hoda. Ab hetym havorycca ŭ dadatku da pastanovy Savieta Ministraŭ numar 1130 ad 31 śniežnia 2015 hoda, paviedamili ŭ pres-słužbie biełaruskaha ŭrada.
«Vyznačyć pieralik aŭtadarožnych punktaŭ propusku praź dziaržaŭnuju hranicu Respubliki Biełaruś, u jakich funkcyjanuje sistema elektronnaj čarhi transpartnych srodkaŭ dla ŭjezdu ŭ hetyja aŭtadarožnyja punkty propusku, i terminy ŭkaranieńnia ŭ ich hetaj sistemy zhodna z dadatkam», — skazana ŭ pastanovie.
Raniej za ŭsio — da 29 lutaha 2016 hoda — elektronnuju čarhu płanujecca ŭvieści ŭ punkcie «Brest» na hranicy z Polščaj, a da 31 śniežnia 2016 hoda — u «Novaj Rudni» na biełaruska-ŭkrainskaj hranicy. Da 31 śniežnia 2017 hoda elektronnaja čarha źjavicca ŭ punktach: «Damačava», «Hryhoraŭščyna», «Novaja Huta», «Bieniakoni», «Bierastavica», «Bruzhi», «Katłoŭka» i «Pryvałka»; da 31 śniežnia 2018 hoda: «Kazłovičy», «Makrany», «Piasčatka», «Urbany», «Kamienny Łoh».
Braniravańnie ŭ sistemie elektronnaj čarhi miesca dla hruzavych aŭtamabilaŭ, aŭtobusaŭ, ciahačoŭ i traktaroŭ budzie kaštavać adnu bazavuju vieličyniu, jakaja ciapier składaje Br210 tys. Takaja ž cana ŭstanoŭlena dla inšych transpartnych srodkaŭ u pieradvychadnyja, pieradśviatočnyja i vychadnyja dni, dziaržaŭnyja śviaty abo śviatočnyja dni, ustanoŭlenyja i abjaŭlenyja ŭ adpaviednaści z zakanadaŭstvam nierabočymi. U zvyčajnyja dni dla hetaj katehoryi płata składzie 0,8 bazavaj. Pry hetym płata spahaniajecca za kožny transpartny srodak, miesca dla jakoha braniruje adna jurydyčnaja abo fizičnaja asoba.
«Respublikanskaje ŭnitarnaje pradpryjemstva «Biełmytniaservis» pieraličvaje apierataram zon čakańnia ŭ paradku i terminy, ustanoŭlenyja ŭ dahavorach (pahadnieńniach) pamiž imi, 95 pracentaŭ prybytku, atrymanaha ad akazańnia pasłuh pa braniravańni ŭ sistemie elektronnaj čarhi času ŭjezdu transpartnych srodkaŭ u punkty propusku, isnujučaj u rasparadžeńni respublikanskaha ŭnitarnaha pradpryjemstva «Biełmytniaservis» paśla vypłaty padatkaŭ, zboraŭ (pošlin), inšych abaviazkovych płaciažoŭ u respublikanski i miascovyja biudžety, reziervavańnia 50 pracentaŭ prybytku», — havorycca ŭ pastanovie numar 1130.
Pa-za čarhoj na punktach, dzie pačnie pracavać elektronnaja sistema, buduć prapuskacca fizičnyja asoby, jakija pieramiaščajucca pa dakumientach ab śmierci abo ciažkim zachvorvańni blizkich svajakoŭ. Taksama ad ŭjezdu ŭ zonu čakańnia vyzvalajucca dziaržaŭnyja, uradavyja i parłamienckija delehacyi Respubliki Biełaruś; śpiecyjalnyja transpartnyja srodki miedycynskaj dapamohi, pažarnaj achovy, avaryjna-vyratavalnych i inšych słužbaŭ, što pieramiaščajucca dla akazańnia chutkaj miedycynskaj dapamohi i likvidacyi nastupstvaŭ nadzvyčajnych situacyj; aŭtobusy, jakija vykonvajuć pieravozki pasažyraŭ u rehularnych znosinach; transpartnyja srodki padraździaleńniaŭ Departamienta achovy MUS, mytni, RUP «Biełmytniaservis» i ŭ ich supravadžeńni transpartnyja srodki i tavary, što znachodziacca pad mytnym kantrolem — pry najaŭnaści paćviardžalnych dakumientaŭ.
Pa-za čarhoj z zon čakańnia prapuskajucca fizičnyja asoby, jakija jeduć pa dypłamatyčnych pašpartach; kiraŭniki i supracoŭniki dypłamatyčnych pradstaŭnictvaŭ i pradstaŭnictvaŭ mižnarodnych arhanizacyj, konsulskich ustanoŭ, a taksama členy ich siemjaŭ, akredytavanyja ŭ MZS, niezaležna ad typu pašparta ich uładalnikaŭ — pry pieramiaščeńni na transpartnych srodkach ź biełaruskimi dypłamatyčnymi (konsulskimi) rehistracyjnymi znakami sieryi SD i SS. Toje ž samaje datyčycca fizičnych asob, jakija pieramiaščajucca pa dakumientach ab śmierci abo ciažkim zachvorvańni blizkich svajakoŭ abo majuć propuski na prava pazačarhovaha ŭjezdu na terytoryju aŭtadarožnych punktaŭ propusku, jakija vydajucca Dziaržpahrankamitetam. Heta raspaŭsiudžvajecca i na fizičnych asob, u adnosinach da jakich pryniata adpaviednaje rašeńnie staršyni Dziaržpahrankamiteta abo jaho pieršaha namieśnika.
Bolš taho, hetaj ilhotaj buduć karystacca i hruzavyja transpartnyja srodki, jakija pieravoziać niebiaśpiečnyja i skorapsavalnyja hruzy abo žyvioł — pry najaŭnaści adpaviednych dakumientaŭ. Pa-za čarhoj z zon čakańnia buduć prapuskać transpart, što pieravozić truny ź ciełami abo astankami pamierłych.
Kamientary