Za rehistracyju ŭ elektronnaj čarzie na miažy treba budzie płacić ad 0,8 da 1 bazavaj
Adpaviednaja norma źmiaščajecca ŭ Pastanovie Saŭmina, apublikavanym na Nacyjanalnym pravavym internet-partale.
Pamier płaty za braniravańnie ŭ sistemie elektronnaj čarhi transpartnych srodkaŭ dla ŭjezdu ŭ aŭtadarožnyja punkty propusku praź Dziaržaŭnuju miažu Respubliki Biełaruś dla hruzavych aŭto i aŭtobusaŭ, ciahačoŭ, traktaroŭ składaje 1 bazavuju vieličyniu; dla lehkavych aŭto, matacykłaŭ i mapiedaŭ — u pieradvychadnyja, pieradśviatočnyja i vychodnyja dni, dziaržaŭnyja śviaty abo śviatočnyja dni, ustanoŭlenyja i abjaŭlenyja ŭ adpaviednaści z zakanadaŭstvam niepracoŭnymi, - 1 bazavuju vieličyniu; u inšyja dni - 0,8 bazavaj vieličyni.
Zhodna z pastanovaj, płata za braniravańnie ŭ sistemie elektronnaj čarhi spahaniajecca ź fizičnych abo jurydyčnych asob, jakija źjaŭlajucca ŭłaśnikami (uładalnikami) transpartnych srodkaŭ, za kožny transpartny srodak.
Vyzvalajucca ad ŭjezdu ŭ zonu čakańnia:
dziaržaŭnyja, uradavyja, parłamienckija delehacyi Respubliki Biełaruś; śpiecyjalnyja transpartnyja srodki miedycynskaj dapamohi, pažarnaj achovy, avaryjna-vyratavalnych i inšych słužbaŭ, što śledujuć dla akazańnia chutkaj miedycynskaj dapamohi i likvidacyi nastupstvaŭ nadzvyčajnych situacyj; aŭtobusy, jakija vykonvajuć pieravozki pasažyraŭ u rehularnych znosinach; transpartnyja srodki padraździaleńniaŭ Departamienta achovy Ministerstva ŭnutranych spraŭ, mytniaŭ, respublikanskaha ŭnitarnaha pradpryjemstva «Biełmytniaservis» i supravadžanyja imi transpartnyja srodki i tavary, jakija znachodziacca pad mytnym kantrolem, - pry najaŭnaści paćviardžajučych dakumientaŭ.
Dadzienaja pastanova ŭstupaje ŭ siłu z 8 studzienia 2016 hoda Bazavaja vieličynia, nahadajem, z 1 studzienia składaje 210 tysiač rubloŭ.
Pastanovaj taksama ŭstanaŭlivajucca terminy ŭviadzieńnia elektronnych čerhaŭ na aŭtadarožnych punktach propusku praź dziaržaŭnuju miažu.
Tak, u Breście jana budzie ŭviedziena da 29 lutaha 2016 h. U Bierastavicy da 31.12.2017, Kamiennym Łohu da 31.12.2018.
| Punkt propusku | Termin uviadzieńnia sistemy |
| Bresckaja vobłaść | |
| Brest | Da 29.02.2016 |
| Damačava | Da 31.12.2017 |
| Kazłovičy | Da 31.12.2018 |
| Makrany | Da 31.12.2018 |
| Piasčatka | Da 31.12.2018 |
| Viciebskaja vobłaść | |
| Hryharaŭščyna | 31.12.2017 |
| Urbany | 31.12.2018 |
| Homielskaja vobłaść | |
| Novaja Huta | 31.12.2017 |
| Novaja Rudnia | 31.12.2016 |
| Hrodzienskaja vobłaść | |
| Bieniakoni | 31.12.2017 |
| Bierastavica, Bruzhi | 31.12.2017 |
| Kamienny Łoh | 31.12.2018 |
| Katłoŭka | 31.12.2017 |
| Pryvałka | 31.12.2017 |
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary