За рэгістрацыю ў электроннай чарзе на мяжы трэба будзе плаціць ад 0,8 да 1 базавай
Адпаведная норма змяшчаецца ў Пастанове Саўміна, апублікаваным на Нацыянальным прававым інтэрнэт-партале.
Памер платы за браніраванне ў сістэме электроннай чаргі транспартных сродкаў для ўезду ў аўтадарожныя пункты пропуску праз Дзяржаўную мяжу Рэспублікі Беларусь для грузавых аўто і аўтобусаў, цягачоў, трактароў складае 1 базавую велічыню; для легкавых аўто, матацыклаў і мапедаў — у перадвыхадныя, перадсвяточныя і выходныя дні, дзяржаўныя святы або святочныя дні, устаноўленыя і аб'яўленыя ў адпаведнасці з заканадаўствам непрацоўнымі, - 1 базавую велічыню; у іншыя дні - 0,8 базавай велічыні.
Згодна з пастановай, плата за браніраванне ў сістэме электроннай чаргі спаганяецца з фізічных або юрыдычных асоб, якія з'яўляюцца ўласнікамі (уладальнікамі) транспартных сродкаў, за кожны транспартны сродак.
Вызваляюцца ад ўезду ў зону чакання:
дзяржаўныя, урадавыя, парламенцкія дэлегацыі Рэспублікі Беларусь; спецыяльныя транспартныя сродкі медыцынскай дапамогі, пажарнай аховы, аварыйна-выратавальных і іншых службаў, што следуюць для аказання хуткай медыцынскай дапамогі і ліквідацыі наступстваў надзвычайных сітуацый; аўтобусы, якія выконваюць перавозкі пасажыраў у рэгулярных зносінах; транспартныя сродкі падраздзяленняў Дэпартамента аховы Міністэрства ўнутраных спраў, мытняў, рэспубліканскага ўнітарнага прадпрыемства «Белмытнясэрвіс» і суправаджаныя імі транспартныя сродкі і тавары, якія знаходзяцца пад мытным кантролем, - пры наяўнасці пацвярджаючых дакументаў.
Дадзеная пастанова ўступае ў сілу з 8 студзеня 2016 года Базавая велічыня, нагадаем, з 1 студзеня складае 210 тысяч рублёў.
Пастановай таксама ўстанаўліваюцца тэрміны ўвядзення электронных чэргаў на аўтадарожных пунктах пропуску праз дзяржаўную мяжу.
Так, у Брэсце яна будзе ўведзена да 29 лютага 2016 г. У Бераставіцы да 31.12.2017, Каменным Логу да 31.12.2018.
| Пункт пропуску | Тэрмін увядзення сістэмы |
| Брэсцкая вобласць | |
| Брэст | Да 29.02.2016 |
| Дамачава | Да 31.12.2017 |
| Казловічы | Да 31.12.2018 |
| Макраны | Да 31.12.2018 |
| Пясчатка | Да 31.12.2018 |
| Віцебская вобласць | |
| Грыгараўшчына | 31.12.2017 |
| Урбаны | 31.12.2018 |
| Гомельская вобласць | |
| Новая Гута | 31.12.2017 |
| Новая Рудня | 31.12.2016 |
| Гродзенская вобласць | |
| Беняконі | 31.12.2017 |
| Бераставіца, Брузгі | 31.12.2017 |
| Каменны Лог | 31.12.2018 |
| Катлоўка | 31.12.2017 |
| Прывалка | 31.12.2017 |
Як агенты беларускага ГРУ ўкараніліся ў апазіцыю: новае расследаванне5
Каментары