U niadzielu vaśmiu matčami startavaŭ vasiemnaccaty čempijanat Biełarusi pa futbole. Najlepšaje ŭražańnie na starcie pieršynstva zrabiŭ staličny MTZ-RIPA.
U niadzielu vaśmiu matčami startavaŭ vasiemnaccaty čempijanat Biełarusi pa futbole. Najlepšaje ŭražańnie na starcie pieršynstva zrabiŭ staličny MTZ-RIPA. «Traktarazavodcy» prymali doma bieraściejskaje «Dynama». U abodvuch tajmach MTZ zabiŭ pa dva miačy (dubli na rachunku Bardačova i brazylca Nikałasa) – 4:0.
Čempijon krainy barysaŭski BATE doma atrymaŭ ciažkuju minimalnuju pieramohu nad ždanovickaj «Darydaj». Adziny hoł Hienadź Bliźniuk zabiŭ z penalci na 84-aj chvilinie hulni. Pryčym, adzinaccacimetrovy vyhladaŭ nie zusim vidavočnym. Matč skončyŭsia nievialikaj bojkaj miž futbalistami kamand.
Davoli niečakana ŭ ničyju skončyłasia hulnia miž absalutnym debiutantam lihi mikaševickim «Hranitam» i «Homielem». Pryčym, srebranyja pryziory minułaha pieršynstva adyhralisia tolki za 9 chvilin da finalnaha śvistka – 1:1.
Nielha nazvać udałym start Ihara Kryvušenki na čale mienskaha «Dynama». Kamanda razyhrała vynikovuju ničyju ź «Lakamatyvam» – 2:2. Hulnia dvuch mienskich kamand prachodziła ŭ Maładziečna, bo «čyhunačniki» nia majuć svajho stadyjonu ŭ stalicy.
Derbi dvuch pradstaŭnikoŭ Haradzienskaj vobłaści «Niomana» i «Smarhoni» taksama pryniesła ničyju – 2:2. Prajhrali ŭ pieršym tury abiedźvie mahiloŭskija kamandy. «Dniapro» prajhraŭ «Naftanu» – 2:0, a «Savit» sastupiŭ «Viciebsku» – 1:2.
Nu i ŭ centralnym matčy turu salihorski «Šachcior» atrymaŭ minimalnuju pieramohu ŭ žodzinskaha «Tarpeda» – 1:0. Los hulni na druhoj chvilinie vyrašyŭ aŭtahoł Jakava Zaleskaha.
Prapahandysty zapeŭnivajuć, što 196 palitviaźniaŭ užo na svabodzie9
Kamientary