U Minsku kala vakzała adkryli kafe-bistro «Maestra» ŭ nacyjanalnym styli FOTA I CENY
Letaś padčas vizitu ŭ azdaraŭlenčy centr «Sasnovaja» Alaksandr Łukašenka zajaviŭ pra toje, što treba raźvivać u krainie sietku biełaruskaj kuchni.
Sietka kramaŭ «Radziviłaŭski», jakaja naležyć dziaržavie, siońnia adkryła kafe-bistro «Maestra», dzie mieniu składajecca tolki sa straŭ biełaruskaj kuchni. Kafe-bistro raźmiaściłasia ŭ budynku fakulteta mižnarodnych adnosin BDU kala vakzału.
Viktar Ravina nieadnarazova padkreślivaŭ, što hetaja sietka bistro budzie prasoŭvać biełaruskuju kuchniu. Asnoŭnaj metavaj aŭdytoryjaj jany ličać miascovych minčukoŭ i turystaŭ.
Pakul što ŭ bistro 48 pasadkavych miescaŭ. Kali biznes budzie raźvivacca, to płanujecca pašyryć kolkaść miescaŭ da 100. Samo kafe-bistro aformlenaje ŭ nacyjanalnym styli.
MIENIU I CENY
Asartymient u «Maestra» nahadvaje nievialikaje «Lido». Mieniu padzialajecca na chałodnyja zakuski i sałaty, pieršyja i druhija stravy, harniry, torty i maroziva, kava, harbata i ałkaholnyja napoi.
Chałodnyja zakuski
U asnoŭnym porcyi pa 150 hram. Jość sieladziec «pad futram», sałaty z ptuški z hrybami, sałaty ź viandlinaj, taksama jość i sałaty, u składnikach jakich niama miasa. Ceny vahajucca ad 10 da 34 tysiač.
Pieršyja stravy
U najaŭnaści jość try vidy supa: sup sa śviežaj kapusty za 14 800, sup chatni za 16 700 i sup piarłovy z hrybami za 10 700. I heta za trysta hram.
Druhija stravy
Druhija stravy składajucca z 13 pazicyj. Jość śvinina z hrybami i pamidorami, jość i draniki za 21 500 (4 štuki), asobna jość draniki z morkvaj za 16 800 (3 štuki). Jość znakamitaja biełaruskaj katleta «Paparać-kvietka». Šmat firmovych katlet. Taksama možna pakaštavać rybu pa-biełarusku za 27 200. Ceny na miasnyja vyraby vahajucca ad 15 da 35 tysiač.
Harniry
Na vybar jość 5 vidaŭ harniraŭ. Rys z harodninaj za 15 800, kaša hrečnievaja za 6 400, navat bulba-fry za 25 000, makarony advarnyja z hrybami za 10 300 i bulba smažanaja ź miasam za 16 200. Adna porcyja — 200 hram.
Kavu možna samomu zrabić z kavamašyny, a možna zamović niešta asablivaje z kavavaj karty. Z harbataj usio hetaksama.
Ałkahol zbolšaha biełaruskaj vytvorčaści: tekiła, viski, kańjak, samahonka, rom i, viadoma, piva.
***
Ciažka skazać, ci zmoža dziaržaŭnaje bistro kankuravać z tym ža «Makdonaldsam», jaki znachodzicca praz darohu. Ź inšaha boku, ceny davoli demakratyčnyja, tamu studentam tańniej budzie charčavacca tut.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ13
Kamientary