Dua Lipa i Kałum Ternier aženiacca na nastupnym tydni. Viasielle budzie kazačnym
Hałoŭnaja jeŭrapiejskaja pop-zorka i brytanski akcior voźmuć šlub u Italii, a cyrymonija raściahniecca na try tydni i abiacaje stać hałoŭnaj śvieckaj padziejaj siezona.
30‑hadovaja śpiavačka i 36‑hadovy brytaniec abviaścili pra zaručyny ŭ červieni minułaha hoda paśla ramantyčnaj prapanovy Kałuma na Rastvo. Pieršapačatkova zakachanyja płanavali ścipłuju cyrymoniju dla samych blizkich, ale maštab ich płanaŭ značna vyras, piša Daily Mail.
«Pieršapačatkovy płan praduhledžvaŭ kamiernaje viasielle, ale ciapier usio pieratvaryłasia ŭ maštabnuju raskošnuju padzieju praciahłaściu try dni. Para arandavała niekalki vielizarnych placovak dla hetaha šmatdzionnaha ekstravahantnaha śviata», — cytuje vydańnie The Sun słovy svajoj krynicy.
Dakładnyja miescy praviadzieńnia trymajucca ŭ strohaj tajamnicy ź mierkavańniaŭ biaśpieki: fanaty śpiavački ŭžo hatovyja šturmavać italjanskaje ŭźbiarežža, kab ubačyć niaviestu.
Śpis haściej čakajecca nadzvyčaj pradstaŭničy. Siarod zaprošanych siabroŭ sa śvietu šou-biznesu ŭžo nazyvajucca śpiavački Charli XCX i Tove Lo.
Ale hałoŭnaj intryhaj zastajucca čutki pra vystupleńnie lehiendy muzyčnaj industryi: kažuć, što na viasielli praśpiavaje sam Ełtan Džon, ź jakim Dua Lipa zapisała supierchit Cold Heart u 2021 hodzie.
Ciapier budučyja maładažony aktyŭna zaviaršajuć apošnija padrychtoŭki. Dua i Kałum štodnia trenirujucca razam u elitnym zakrytym kłubie 180 House u London. Sama śpiavačka pryznajecca siabram, što ličyć dni da taho momantu, kali pojdzie da ałtara.
Dua Lipa naradziłasia ŭ 1995 hodzie ŭ Łondanie ŭ siamji emihrantaŭ z Kosava. U 2008 hodzie, paśla taho, jak Kosava abviaściła niezaležnaść, siamja viarnułasia ŭ Pryšcinu. Dua Lipa ŭ 2015 hodzie pierajechała ŭ Łondan vučycca muzycy.
Pieršy albom vyjšaŭ u 2016 hodzie, a streliŭ, staŭšy šalony papularnym, Future Nostalgia, jaki śpiavačka vypuściła ŭviesnu 2020 hoda ŭ časy łakdaŭnu. Albom staŭ №1 u Anhlii, praz hod jon zavajavaŭ «Hremi». Treci albom Radical Optimism taksama zdabyŭ vialikuju papularnaść.
Letam 2016 hoda Dua razam sa svaim baćkam stvaryła fond Sunny Hill Foundation, nakiravany na dapamohu žycharam Kosava. U 2025 hodzie jana pryniała hramadzianstva Kosava.
Kamientary