Praź śniehapady ŭ Japonii zahinuli piać čałaviek i zvyš za 200 atrymali ranieńni, paviedamlajuć infarmahienctvy.
Niaščasnyja vypadki, u jakich ludzi hinuli abo atrymlivali traŭmy, byli zarehistravanyja ŭ pałovie rehijonaŭ krainy. Jak praviła, hramadzianie pakutavali ad udaraŭ i raściažeńniaŭ padčas padzieńniaŭ.
Z-za niepahadzi ŭ Japonii admienienyja sotni avijarejsaŭ, bieź śviatła znachodziacca tysiačy žyłych damoŭ.
Pavodle paviedamleńniaŭ nacyjanalnaj mieteasłužby, na japonskim vostravie Asima 24 studzienia ŭpieršyniu za 115 hadoŭ vypaŭ śnieh. Apošni raz padobnaja pryrodnaja anamalija nazirałasia 12 lutaha 1901 hoda. Razam z tym u Tokio śniežnych apadkaŭ nie vypadała — tut staić maroznaje, ale jasnaje nadvorje.
Niečakanaje pachaładańnie taksama pryjšło i ŭ inšyja azijackija krainy. Tak, u Respublicy Kareja druhija sutki zapar admianiajucca avijarejsy na vostravie Čedžu, dzie raźmieščany papularnyja kurorty. Vostraŭ zamiało najmahutnym za apošnija dziesiacihodździ śniehapadam. Tysiačy turystaŭ nie mohuć pakinuć vostraŭ i zabłakavanyja ŭ miascovym aeraporcie. Upała i tempieratura ŭ Hankonhu. Pavodle apošnich dadzienych, tut adznačajecca ŭsiaho tolki try hradusy ciapła — dla vostrava heta samaja nizkaja tempieratura za apošnija 60 hadoŭ.
Surjoznyja pachaładańnia nazirajucca i ŭ Kitai.
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ8
Kamientary