Alfa-Bank pradstaŭlaje IV Mižnarodny fiestyval «Uładzimir Śpivakoŭ zaprašaje»
IV Mižnarodny fiestyval «Uładzimir Śpivakoŭ zaprašaje» projdzie ŭ Minsku i Mahilovie z 16 pa 21 lutaha 2016 hoda. Alfa-Bank (Biełaruś) čaćviorty raz staŭ Hienieralnym partnioram hetaha maštabnaj padziei ŭ kulturnym žyćci Biełarusi.
«Alfa-Bank padtrymlivaje fiestyval maestra Śpivakova z 2010 hoda i pa pravie hanarycca hetaj pryhožaj tradycyjaj, jakaja doryć biełaruskaj publicy radaść datyčnaści da vysokaha mastactva, - padkreśliŭ Staršynia Praŭleńnia Alfa-Banka (Biełaruś) Ihar Kacibnikaŭ. - Za hady svajho isnavańnia fiestyval staŭ nieadjemnaj častkaj žyćcia krainy i žyćcia našaha Banka, ale kožny raz fiestyval zachaplaje nas novymi hraniami i adkryvaje novyja talenty. Upeŭnieny, što i ŭ Hod kultury prahrama fiestyvalu znoŭ apraŭdaje samyja vysokija čakańni».
Mižnarodny fiestyval «Uładzimir Śpivakoŭ zaprašaje» ŭ hetym hodzie sabraŭ u Biełarusi sapraŭdnaje suzorje vydatnych vykanaŭcaŭ. Adkryje prahramu fiestyvalu 16 lutaha suśvietna viadomaja opiernaja dziva Chibła Hierzmava z prahramaj «Viva ła opiera» u supravadžeńni arkiestra Nacyjanalnaha akademičnaha Vialikaha teatra opiery i baleta Respubliki Biełaruś. U kancertach fiestyvalu taksama prymuć udzieł pryma Maryinskaha teatra Uljana Łapatkina, znakamity vijałančelist Miša Majski. Adnym z hałoŭnych siurpryzaŭ prahramy fiestyvalu stanie premjera muzyčna-dramatyčnaha śpiektakla Ramana Vikciuka «Piaščota» z Saci Śpivakovaj u hałoŭnaj roli. U praciah fiestyvalu 18 lutaha Uładzimir Śpivakoŭ pradstavić svaju prahramu «Hadzina Bacha», jakaja adbudziecca na scenie Mahiloŭskaj abłasnoj fiłarmonii.
«Sabrać takoje jarkaje suzorje mnie ŭdajecca ź pieryjadyčnaściu raz na dva hady. Ja ŭpeŭnieny, što kancerty fiestyvalu dazvolać nieparaŭnalnaj biełaruskaj publicy atrymać sapraŭdnuju asałodu ad sustrečy z suśvietna viadomymi muzykami, - padkreśliŭ maestra Uładzimir Śpivakoŭ. - Dziakujučy šmathadovaj padtrymcy Alfa-Banka (Biełaruś) fiestyval staŭ znakavaj padziejaj, jakoje paćviardžaje bahatyja tradycyi Biełarusi jak krainy, jakaja zaachvočvaje kłasičnaje mastactva ».
Fiestyval, jaki nosić imia vialikaha muzyki sučasnaści, na praciahu 10 hadoŭ ź vielizarnym pośpiecham prachodzić u Maskvie, a taksama ŭ francuzskim horadzie Kalmar. U 2016 hodzie fiestyval užo ŭ čaćviorty raz projdzie ŭ Biełarusi pry padtrymcy Ministerstva kultury Respubliki Biełaruś i ZAT «Alfa-Bank». Arhanizatar fiestyvalu - Bieryn Art Mieniedžmient.
Z prahramaj fiestyvalu možna aznajomicca tut.
Uładzimir Śpivakoŭ - suśvietna viadomy skrypač, dyryžor, mastacki kiraŭnik i hałoŭny dyryžor Nacyjanalnaha fiłarmaničnaha arkiestra Rasii i Dziaržaŭnaha kamiernaha arkiestra «Virtuozy Maskvy», prezident Maskoŭskaha mižnarodnaha Doma muzyki.
ZAT «Alfa-Bank» uvachodzić u strukturu mižnarodnaha pryvatnaha Kansorcyuma «Alfa-Hrup», dziejničaje ŭ Biełarusi z 2009 hoda i ŭvachodzić u pieršuju «dziasiatku» najbujniejšych biełaruskich bankaŭ. U ramkach karparatyŭnaj palityki sacyjalnaj adkaznaści Bank akazvaje padtrymku šerahu znakavych prajektaŭ u śfiery kultury.
TAA «Imbir Markietynh» UNP 191886846
Łukašenka pamiłavaŭ eks-kiraŭnika svajoj achovy Uciuryna6
Kamientary