U Novaj Baravoj pradajuć kvatery-studyi na 20 kvadratnych mietraŭ. Cana ździŭlaje
Ceńnik na kvatery ŭ novabudoŭlach stalicy nie pierastaje ździŭlać. U Novaj Baravoj prapanujuć mini-studyi pa 18-20 kv.m z hatovym ramontam i technikaj pa $2800 za mietr. Kampaktnyja farmaty źjaviacca ŭ novym domie «Art-kvartała».
Kaliści takoha rodu studyi addavali za $34 tysiačy pa kursie, piša «Anłajnier».
Ramont u mini-studyjach u styli łoft.
Pa prajekcie, kvatery na druhim-piatym pavierchach iduć z bałkonami, na šostym-vośmym praduhledžany łodžyi.
Interjer dapoŭniać funkcyjanalnaja mebla z utojenymi palicami, pralnaja mašyna i lusterka z padśvietkaj u čornaj ramie.
Kuchniu abstalujuć varačnaj panellu, ZVČ-piečču, vyciažkaj, ubudavanym chaładzilnikam, kuchonnaj myjkaj i źmiašalnikam.
Novaje azdableńnie Concrete dastupnaje dla studyj u domie 1.10 pa hienpłanie ŭ «Art-kvartale» Novaj Baravoj. Košt kvatery z hatovym interjeram — ad $53 775 u ekvivalencie. Darečy, cana za kvadratny mietr na vysokich pavierchach krychu vyšejšaja, čym na astatnich. Tak, studyja amal u 19 «kvadrataŭ» na pieršym paviersie abyjdziecca kala $53 800 pa kursie, pry hetym 20 «kvadrataŭ» na samym apošnim paviersie buduć kaštavać amal $60 tysiač.
Pakupnikam dastupnyja rasterminoŭka i partniorskija kredyty.
Dom z kvaterami-studyjami ŭ styli łoft zdaduć u trecim kvartale 2026 hoda.
Kamientary