Kachańnie ci razbeščvańnie? U Śvietłahorsku turma pahražaje dvum chłopcam, ad jakich zaciažaryli 14—15-hadovyja siabroŭki
Śvietłahorski RASK zavioŭ dźvie kryminalnyja spravy na mužčyn, jakija kachalisia sa školnicami, jakim nie spoŭniłasia 16 hadoŭ.
Pra asabistaje žyćcio niepaŭnaletnich stała viadoma ad miedykaŭ, kali dziaŭčatam daviałosia stać na ŭlik pa ciažarnaści. Ab takich vypadkach daktary abaviazany paviedamlać u inśpiekcyju pa spravach niepaŭnaletnich. Dalej pravodzicca pravierka, vyniki jakoj pieradajucca ŭ Śledčy kamitet.
Z 14-hadovaj adnaviaskoŭkaj kachaŭsia 27-hadovy chłopiec. U vioscy jaho pavažajuć: «nie sudzimy, nie pje, jość dom, mašyna, spraŭna płacić alimienty na dzicia ad pieršaha šlubu…».
Praŭda, usio heta ad kryminalnaj adkaznaści nie vyzvalaje.
«Niahledziačy na toje, što maci dziaŭčynki była nie suprać hetych adnosin, dyj mužčyna hatovy ažanicca, zakanadaŭstvam jaho dziejańni tłumačacca jak złačynstva, pryčym — ciažkaje, — kaža śledčaja Maryja Saŭčanka. — U šlub ustupić da 16 hadoŭ dziaŭčyna nie maje prava».
Za luboščy z asobaj, maładziejšaj za 16 hadoŭ, mužčynu pahražaje da piaci hadoŭ turmy.
Adnaviaskoŭcy aburajucca: «Za što jaho sadžać? Zakanadaŭstva treba mianiać. Kali ŭsio pa kachańni dy zhodzie, dzieci ciapier stalejuć rana», — cytuje ich śvietłahorski sajt Ranak.by.
Ciažarnaja školnica raście ŭ šmatdzietnaj siamji, jaje maci haduje dziaciej adna. Da vučoby, kažuć, jana nie harnułasia, siabravała sa starejšymi za siabie.
U vyniku kachańnia ź niepaŭnaletniaj pad kryminalny artykuł trapiŭ i žychar horada Śvietłahorska. U hetym vypadku dziaŭčyna taksama zaciažaryła, na momant pastanoŭki na ŭlik joj užo spoŭniłasia 16, adnak adnosiny pačalisia raniej, tamu chłopiec padpadaje pad artykuł.
Maładyja ludzi niekalki hadoŭ sustrakalisia. Chłopiec taksama charaktaryzujecca stanoŭča. Kali dziaŭčynie spoŭniłasia 16, padali zajavu ŭ ZAHS… Ale što čakaje chłopca, šlub ci turemny termin, znoŭ ža vyrašyć sud.
Siłaviki pra zatrymańnie Chlastova: Budzie doma paśla adbyćcia pakarańnia2222
Siłaviki pra zatrymańnie Chlastova: Budzie doma paśla adbyćcia pakarańnia22
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina2727
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina27
Homielskaha taksista asudzili da kałonii pa troch palityčnych artykułach22
Homielskaha taksista asudzili da kałonii pa troch palityčnych artykułach2
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času20
Kamientary