Na nastupnym tydni Papa ŭpieršyniu ŭ historyi sustreniecca z Patryjarcham maskoŭskim
Sustreča, jak paviedamiła pres-słužba Vatykana, adbudziecca 12 lutaha na Kubie.
![](http://nnexpictures.fra1.digitaloceanspaces.com/img/w732d4webp1/photos/z_2013_07/papa_franciszak130729.jpg.webp)
Samalot z pantyfikam na borcie ździejśnić pasadku na Kubie na šlachu ŭ Mieksiku, kudy Francišak nakirujecca z aficyjnym vizitam. Spatkańnie, jakoje projdzie ŭ havanskim Mižnarodnym aeraporcie imia Chase Marci, adbudziecca ŭ farmacie «asabistaj razmovy».
Sustreča rychtavałasia «doŭhi čas», źjaŭlajecca «pieršaj u historyi» i pačynaje «važny etap u adnosinach pamiž Cerkvami». Apostalskaja Stalica i Maskoŭski Patryjarchat spadziajucca, što jana stanie «znakam nadziei dla ŭsich ludziej dobraj voli». Jany zaprašajuć usich chryścijan malicca ab Božym błasłaŭleńni dla sustrečy i jaje dobryja plony.
Spatkańnie maje doŭžycca kala dźviuch hadzin. Paśla jaho Pantyfik i Patryjarch padpišuć sumiesnuju šyrokuju dekłaracyju. Jaje tekst źmieščany na siami staronkach. Zapłanavana taksama «spantannaje» vystupleńnie kiraŭnikoŭ Cerkvaŭ, padčas jakoha jany abmianiajucca svaimi pačućciami i ŭražańniami ad sustrečy.
-
Dziesiaciarych cyvilnych ukraincaŭ, vyzvalenych paśla źniavoleńnia ŭ Rasii i Biełarusi, sustreli ŭ kijeŭskim aeraporcie «Žulany» FOTAFAKT
-
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
-
Amierykanskija demakraty abmiarkoŭvajuć zamienu Bajdena z-za pravalnych debataŭ z Trampam
Kamientary