Hramadstva1313

Da jakoj adčuvalnaj infarmacyi mieła dostup źnikłaja Anžalika Mielnikava?

Vydańnie «Lusterka» zapytałasia ŭ kiraŭnika Narodnaha antykryzisnaha ŭpraŭleńnia Paŭła Łatuški, da jakoj infarmacyi mieła dostup źnikłaja na minułym tydni śpikierka Kaardynacyjnaj rady Anžalika Mielnikava, jakaja z 2022 hoda pracavała ŭ kamandzie palityka. 

Anžalika Mielnikava

U Narodnym antykryzisnym upraŭleńni Mielnikava spačatku była kaardynatarkaj prajektaŭ, a paźniej stała daradcam pa stratehičnym płanavańni.

U suviazi sa svaimi abaviazkami, pa słovach Paŭła Łatuški, Anžalika Mielnikava mahła mieć dostup da ŭsich finansavych dakumientaŭ NAU, jakija tyčylisia spravazdačnaści pierad donarami.

«U Anžaliki dakładna niama i nie było dostupu da śpisaŭ tych, chto danaciŭ, heta značyć ludziej, jakija finansava padtrymlivajuć Narodnaje antykryzisnaje upraŭleńnie», — adznačyŭ Łatuška.

Nibyta nie vałodała jana infarmacyjaj i pra biełaruskich čynoŭnikaŭ, jakija ŭ 2020 hodzie padpisali list da Alaksandra Łukašenki z patrabavańniem spynić hvałt, vyzvalić palitviaźniaŭ, pryciahnuć da adkaznaści kiraŭnikoŭ siłavych struktur i CVK, a taksama pravieści novyja vybary. Jak zajaŭlili ŭ NAU, podpisy pad listom pakinuli nibyta kala 1700 čynoŭnikaŭ.

Ź viasny 2023 hoda Narodnaje antykryzisnaje ŭpraŭleńnie viadzie pracu pa zbory dakumientaŭ dla pryciahnieńnia Łukašenki da adkaznaści ŭ Mižnarodnym kryminalnym sudzie. Ale i da hetaha Mielnikava nibyta dačynieńnia nie maje:

«Infarmacyjaj, sabranaj NAU, vałodaje vielmi abmiežavanaje koła supracoŭnikaŭ, — tłumačyć Pavieł Łatuška. — U adpaviednaści z našymi mierami biaśpieki ŭsie takija supracoŭniki źjaŭlajucca niepubličnymi. Anžalika Mielnikava — supracoŭnica publičnaja, jana dostupu da takoj infarmacyi nikoli nie mieła».

Usia kanfidencyjnaja infarmacyja pa pytańni pryciahnieńnia Łukašenki da adkaznaści ŭ MKS znachodzicca nibyta ŭ asobnaj infarmacyjnaj ekasistemie.

«Navat kali budzie atrymany dostup da akaŭntaŭ lubych publičnych asob NAU, heta nie daść jakoj-niebudź mahčymaści atrymać infarmacyju, što źbirajecca dla pieradačy ŭ MKS», — padsumavaŭ Łatuška.

Pra źniknieńnie śpikierki Kaardynacyjnaj rady Anžaliki Mielnikavaj stała viadoma ŭ piatnicu, 28 sakavika. Suviaź ź joj abarvałasia 25 sakavika.

Pavieł Łatuška raniej paviedamlaŭ, što muž śpikierki Andrej Mielnikaŭ vyjechaŭ u Biełaruś 23 sakavika. Taksama, pavodle jaho słoŭ, udałosia ŭstanavić, što mabilny telefon Mielnikavaj z 19 sakavika znachodzicca na terytoryi Biełarusi.

Kamientary13

  • Hleb
    01.04.2025
    Jeśli by ona była ahientom to o siebie ona by zajaviła pieried dniom voli i inauhuracijej dla sozdanija dizmorali. Pochožie propaža nie obošłaś biez muža, a siejčas jejo raskručivajut na nužnyje słova.
  • Buster Scruggs
    01.04.2025
    [Red. vydalena]
  • KIEZ
    01.04.2025
    Spadziajusia, što Anžalika zdarovaja. I žyvaja.
    Bo łukašnie lepiej sto razoŭ padumać ab nastupstvach, kali škodu narobiać hramadziancy Polščy, krainy JEZ.
    Pasadka samalotu z pratasieviča chiba ničomu nie navučyła?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Usie naviny →
Usie naviny

Cichanoŭskaja pavinšavała Naŭrockaha z abrańniem na post prezidenta Polščy22

Łukašenka palacieŭ u Kitaj. Heta sustreča pavinna była adbycca jašče ŭ studzieni3

Źjavilisia pieršyja spadarožnikavyja zdymki avijabazy «Biełaja», na jakich vidać nastupstvy ataki SBU2

Ściapan Puciła: U čas pratestaŭ nas čatyry čałavieki ŭ redakcyi było. I dźvieście paviedamleńniaŭ na chvilinu17

«Jany ŭsie siabravali suprać mianie». U Minsku sudziać mužčynu za łžyvyja danosy na kankurentaŭ1

Apublikavany poŭny tekst mirnych prapanoŭ Ukrainy, jakija Kijeŭ pradstavić na pieramovach u Stambule7

Ukraina pieradała svoj miemarandum Rasii na ŭkrainskaj i anhlijskaj movach4

Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ1

Padarožnik z Kazachstana raskazaŭ, jak praryvaŭsia praź miažu Biełarusi i ES. Atrymałasia tolki z treciaj sproby7

bolš čytanych navin
bolš łajkanych navin

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Hałoŭnaje
Usie naviny →

Zaŭvaha:

 

 

 

 

Zakryć Paviedamić