Hramadzianie buduć atrymlivać hrošy za dapamohu ŭ baraćbie z karupcyjaj, havorycca ŭ pastanovie Savieta Ministraŭ №101 ad 5 lutaha 2016 hoda, paviedamili ŭ pres-słužbie biełaruskaha ŭrada.
«Vypłata ŭznaharodžańnia i inšych vypłat fizičnaj asobie, jakaja spryjaje vyjaŭleńniu karupcyi, pravodzicca ŭ vypadkach: padačy infarmacyi, pradmietaŭ i dakumientaŭ, jakija sadziejničali vyjaŭleńniu karupcyjnaha złačynstva; padačy źviestak pra miescaznachodžańnie asoby, jakaja znachodzicca ŭ vyšuku za karupcyjnaje złačynstva; padačy infarmacyi pra miescaznachodžańnie hrašovych srodkaŭ i inšaj majomasci, atrymanych u vyniku ździajśnieńnia karupcyjnaha złačynstva; sadziejničańnia praduchileńniu abo kampiensacyi škody, naniesienaj karupcyjnym złačynstvam; akazańnia inšaha sadziejničańnia orhanam kryminalnaha pieraśledu, jaki mieŭ značeńnie dla procidziejańnia karupcyjnym złačynstvam», — skazana ŭ dakumiencie.
Kali havorka idzie pra ciažkaje ci asabliva ciažkaje złačynstva, to vypłačvajecca da 50 bazavych vieličyń, mienš ciažkaje — da 30 bazavych.
«Robiacca vypłaty kampiensavalnaha charaktaru da 10 bazavych vieličyń na padstavie dakumientaŭ, jakija paćviardžajuć zroblenyja fizičnaj asobaj vydatki», — adznačajecca ŭ dakumiencie. Vypłata pryznačajecca prakuraturaj na padstavie chadajnictva orhana kryminalnaha pieraśledu pry pryniaćci rašeńnia pa kryminalnaj spravie, što pastupiła dla nakiravańnia ŭ sud i ŭ niekatorych inšych vypadkach.
Pad fizičnymi asobami tut nie majucca na ŭvazie tyja, chto źjaŭlajecca vajskoŭcami abo supracoŭnikami dziaržorhanaŭ i inšych arhanizacyj, jakija zmahajucca z karupcyjaj. Nie raspaŭsiudžvajecca dziejańnie dakumienta i na ŭdzielnikaŭ pracesu pry rasśledavańni pa kryminalnych spravach.
«Vypłata ŭznaharodžańnia i inšych vypłat nie robicca fizičnym asobam, jakija akazvajuć sadziejničańnie ŭ vyjaŭleńni, spynieńni, raskryćci abo rasśledavańni karupcyjnaha złačynstva, u ździajśnieńni jakoha jany ŭdzielničali», — padkreślivajecca ŭ pastanovie.
Kamientary