Biełaruski dziaržaŭny univiersitet u lipieni biahučaha hoda zapuścić dva spadarožniki CanSat, paviedamili ŭ pres-słužbie VNU.
Va ŭniviersitecie rastłumačyli, što heta stała mahčymym dziakujučy paśpiachovaj abaronie navukovych prajektaŭ liceistami i studentami BDU na adboračnaj siesii 5-ha Inavacyjnaha adukacyjnaha čempijanatu «CanSat ŭ Rasii».
Spadarožniki buduć zapuščanyja ŭ lipieni 2016 hoda ŭ horadzie Dubna padčas finału čempijanatu. «Studentam nieabchodna prademanstravać spadarožnik vahoj da 1 kh, jaki budzie zapuščany na strataśfiernym šary na vyšyniu da 30 km. Liceistam treba budzie pradastavić spadarožnik vahoj nie bolš za 550 h, usie jaho abstalavańnie, za vyklučeńniem parašuta i anteny, pavinna źmiaścicca ŭ standartnuju blašanku z-pad haziroŭki. Jon budzie zapuščany na vyšyniu 1 km z dapamohaj rakiety-nośbita», — dadali ŭ BDU.
Usiaho ŭ adboračnaj siesii čempijanatu «CanSat ŭ Rasii» ŭziali ŭdzieł kala 200 školnikaŭ i studentaŭ z Rasii i Biełarusi.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary