Dzialeńnie mozhu na «łahičnaje» i «emacyjnaje» paŭšarji akazałasia mifam
Šyroka raspaŭsiudžanaje ŭjaŭleńnie pra rabotu mozhu zaklučajecca ŭ tym, što levaje paŭšarje adkazvaje za łohiku, a pravaje — za emocyi i tvorčaść. Bolš za toje, ličycca, što ludzi dzielacca na charakternyja typy ( «racyjanalisty» i «intuityvisty») u zaležnaści ad pieravahi taho ci inšaha paŭšarja, pieradaje The Independent.
Džefry Andersan z Univiersiteta štata Juta pravioŭ admysłovaje daśledavańnie — jon paraŭnaŭ, jak pracujuć abodva paŭšarji hałaŭnoha mozhu bolš za tysiaču čałaviek. Vyśvietliłasia, što suviazi pamiž učastkami byli raźmierkavanyja prykładna adnolkavym čynam: inšymi słovami, ni adzin z abśledavanych nie vałodaŭ bolš mocnymi suviaziami ŭ adnym z paŭšarjaŭ.
«Viadoma, niekatoryja ludzi dziejničajuć bolš łahična i mietadyčna, a inšyja — bolš intuityŭna, impravizujučy. Adnak hetaja źjava ničoha ahulnaha nie maje z funkcyjami pravaha i levaha paŭšarja», — adznačyŭ Džefry Andersan.
Na dumku navukoŭca, hety mif paŭstaŭ dziakujučy daśledavańniu Rodžera Śpiery pra funkcyi roznych paŭšarjaŭ, jakoje atrymała Nobieleŭskuju premiju (1981). Adnak ideja nazvać ich «łahičnym» i «emacyjnym» naležyć vyklučna papularnaj psichałohii. Jana nie paćviardžajecca ni daśledavańniami ab arhanizacyi i funkcyjanavańni mozhu, ni historyjami chvaroby pacyjentaŭ, paciarpiełych ad paškodžańniaŭ taho ci inšaha paŭšarja. Papularnaść hetaha mifa, vidać, zasnavanaja na schilnaści ludziej da myśleńnia šlacham binarnych apazicyj.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary