Шырока распаўсюджанае ўяўленне пра работу мозгу заключаецца ў тым, што левае паўшар'е адказвае за логіку, а правае — за эмоцыі і творчасць. Больш за тое, лічыцца, што людзі дзеляцца на характэрныя тыпы ( «рацыяналісты» і «інтуітывісты») у залежнасці ад перавагі таго ці іншага паўшар'я, перадае The Independent.
Джэфры Андэрсан з Універсітэта штата Юта правёў адмысловае даследаванне — ён параўнаў, як працуюць абодва паўшар'і галаўнога мозгу больш за тысячу чалавек. Высветлілася, што сувязі паміж участкамі былі размеркаваныя прыкладна аднолькавым чынам: іншымі словамі, ні адзін з абследаваных не валодаў больш моцнымі сувязямі ў адным з паўшар'яў.
«Вядома, некаторыя людзі дзейнічаюць больш лагічна і метадычна, а іншыя — больш інтуітыўна, імправізуючы. Аднак гэтая з'ява нічога агульнага не мае з функцыямі правага і левага паўшар'я», — адзначыў Джэфры Андэрсан.
На думку навукоўца, гэты міф паўстаў дзякуючы даследаванню Роджэра Сперы пра функцыі розных паўшар'яў, якое атрымала Нобелеўскую прэмію (1981). Аднак ідэя назваць іх «лагічным» і «эмацыйным» належыць выключна папулярнай псіхалогіі. Яна не пацвярджаецца ні даследаваннямі аб арганізацыі і функцыянаванні мозгу, ні гісторыямі хваробы пацыентаў, пацярпелых ад пашкоджанняў таго ці іншага паўшар'я. Папулярнасць гэтага міфа, відаць, заснаваная на схільнасці людзей да мыслення шляхам бінарных апазіцый.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары