Druhija minskija pahadnieńni (Minsk-2) pa ŭrehulavańni kanfliktu na Danbasie, padpisanyja ŭ lutym 2015 h. adrazu ž byli denansavanyja padziejami, jakija adbylisia ŭśled za ich padpisańniem, u pryvatnaści, nastupam bajevikoŭ i rasijskich vojskaŭ pad Debalcavym.
Pra heta ŭ efiry telekanała «112 Ukraina» zajaviŭ narodny deputat Ukrainy Dźmitryj Jaraš.
Tak, palityk nazvaŭ «zdradaj nacyjanalnych intaresaŭ» praviadzieńnie miascovych vybaraŭ na akupavanaj terytoryi da poŭnaha jaje pierachodu pad kantrol Ukrainy, što zamacavana ŭ Kompleksie mier pa vykanańni minskich pahadnieńniaŭ.
«Heta adnaznačna zdrada nacyjanalnym intaresam, kali b naša ŭłada vykonvała mienavita takija punkty. Na moj pohlad, tyja ž druhija minskija pahadnieńni paśla padpisanńnia byli denansavanyja samimi padziejami. My pamiatajem, što paśla Minska-2 užo adbyłasia apieracyja rasijska-terarystyčnych vojskaŭ pa likvidacyi debalcaŭskaha vystupu. Tamu ŭsie hetyja pałažeńni nie majuć sensu i łohiki», — skazaŭ Jaraš.
Jon adznačyŭ, što padtrymlivaje mierkavańnie ministra zamiežnych spraŭ Ukrainy Paŭła Klimkina nakont taho, što vybary na Danbasie pavinny być praviedzieny tolki paśla dasiahnieńnia ŭkrainskaj uładaj poŭnaha kantrolu nad akupavanymi rajonami.
Taksama Jaraš ličyć, što Ukraina pavinna vyjści ź minskaha farmatu i pryciahnuć da pieramoŭnaha pracesu ZŠA i Vialikabrytaniju jak harantaŭ jaje suvierenitetu i terytaryjalnaj cełasnaści zhodna z Budapiešckim miemarandumam.
Nahadajem, padčas pieramovaŭ u «narmandskim» farmacie kiraŭniki MZS Francyi, FRH i RF vystupili za praviadzieńnie vybaraŭ na Danbasie ŭ pieršaj pałovie 2016 hoda. U svaju čarhu kiraŭnik MZS Ukrainy Pavieł Klimkin vystupiŭ suprać vybaraŭ da poŭnaha vykanańnia Minskich pahadnieńniaŭ, u tym liku ŭ pytańni biaśpieki.
Kamientary