Žychary niekalkich kvartałaŭ Raki — samaabvieščanaj stalicy «Isłamskaj dziaržavy» ŭ Siryi — padniali bunt suprać terarystaŭ i vyviesili dziaržaŭnyja ściahi. Pra heta paviedamlaje iranskaje infarmacyjnaje ahienctva Tasnim sa spasyłkaj na vidavočcaŭ.
Ściahi źjavilisia na budynkach u kvartałach Dziryja, Fierdas i Ramiła. Akramia taho, ściah Siryi byŭ vyviešany na moście praź Jeŭfrat.
Paśla hetaha žychary vyjšli na masavy mitynh u padtrymku siryjskaj armii. Za mitynham pačalisia sutyknieńni pamiž manifiestantami i bajevikami «Isłamskaj dziaržavy». Jak udakładniaje ahienctva, u vyniku try kvartały byli całkam ačyščany ad terarystaŭ.
Kamientary