Kampanija Google zrabiła dastupnaj dla zahruzki raspracoŭščykami prevju-viersiju svajoj novaj mabilnaj apieracyjnaj sistemy Android N.
Siarod navinak, dadadzienych u prašyŭku — palepšany enierhazachavalny režym Doze, jaki ciapier aktyvizujecca nie tolki pry statyčnym stanoviščy pryłady, ale i pry vyklučeńni jaje dyspleja, źmienienaja panel apaviaščeńniaŭ z mahčymaściu chutkaha adkazu na ŭvachodnyja paviedamleńni i zapusk dvuch prahram na adnym ekranie. Apošniaja funkcyja, zrešty, užo była realizavanaja ŭ niekatorych abałonkach Android inšych vytvorcaŭ.
Prevju-viersija Android N taksama dazvalaje raspracoŭščykam ekśpierymientavać ź niezamacavanymi prahramami, jakija možna svabodna pieramiaščać pa dysplei. Akramia taho, u Google zajaŭlajuć, što dapracavali kompleks ałharytmaŭ Project Svelte, jaki dazvalaje sistemie pracavać chutčej na pryładach sa słabymi techničnymi charaktarystykami.
Vychad Android N staŭ siurpryzam dla karystalnikaŭ i raspracoŭščykaŭ, pakolki zvyčajna kampanija Google anansuje prahramnyja abnaŭleńni ŭ mai ŭ ramkach kanfierencyi Google I/O.
Android N — rabočaja nazva novaj apieracyjnaj sistemy. Pavodle nieaficyjnaj infarmacyi, finalnaja viersija budzie vypuščanaja pad brendam Android Nutella.
Na biahučy momant aktualnaj ahulnadastupnaj viersijaj mabilnaj AS źjaŭlajecca Android Marshmallow, raniej viadomaja jak Android M.
Ciapier čytajuć
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary