17 sakavika ŭ Domie Maskvy, u 5-y raz prajšoŭ štohadovy dabračynny pakaz «Red Dress MTS» u padtrymku dziaciej z sardečna-sasudzistymi zachvorvańniami.
25 pryhožych i paśpiachovych žančyn, u tym liku televiadučaja Śviatłana Baroŭskaja, aktrysa i śpiavačka Hanna Chitryk, pryma Opiernaha teatra Alaksandra Čyžyk, piśmieńnik Julija Čarniaŭskaja i deputatka pałaty pradstaŭnikoŭ Alena Šamal, prajšlisia pa podyumie ŭ čyrvonych sukienkach, kab dapamahčy dzieciam z chvorym sercam. Usie srodki, atrymanyja ad prodažu kvitkoŭ na pakaz, nakiravany na lačeńnie dziaciej-sardečnikaŭ.
Čyrvonyja chustački ŭ piatlicach, šampanskaje, šary ŭ formie sercaŭ i šmat sukienak da padłohi. Faje ŭ Domie Maskvy zabita pad zaviazku. Adny hości razmaŭlajuć pra teatr, inšyja abmiarkoŭvajuć kurs dalara, trecija platkarać, chto ŭ čym pryjšoŭ: dabračynny pakaz abjadnaŭ ludziej z całkam roznych śfier i intaresaŭ. Adnak usie jany, i čempijonka Jeŭropy pa kiorlinhu Kaciaryna Kiryłava, i madeljer Saša Varłamaŭ, i zasnavalnik TUT.BY Juryj Zisier, — abjadnany imknieńniem dapamahać.
Centralnaja fihura viečara i tvar pakazu — Uljana Bahdanovič. Dziaŭčynka, jakoj udałosia praź internet za tydzień sabrać 6 tys. dalaraŭ na apieracyju dla siabroŭki z chvorym sercam. Bolš za toje, ceły miesiac prykoŭvać uvahu ŚMI, błohieraŭ i prosta nieabyjakavych ludziej da prablem sardečna-sasudzistych zachvorvańniaŭ i dapamahać inšym dzieciam.
Dla dapamohi dzieciam u zale taksama ŭstalavana «dreva žyćcia» — simvaličnaje zbudavańnie, dzie možna pakinuć dadatkovuju sumu, jakaja pojdzie na lačeńnie dziaciej.
«Ja rady, što ŭ nas atrymałasia», — paciskaje plačyma adzin z udzielnikaŭ «kamandy Uljany» — baskietbalist Alaksandr Kul. Dla taho, kab dapamahčy z prodažam kvitkoŭ na dabračynny pakaz, jon, razam sa śpievakom Uładzimiram Puhačam, viadučym Dźmitryjem Kachno, restarataram Alaksiejem Sadavym i asiłkam Kiryłam Šymko, apranuŭsia ŭ čyrvonauju sukienku i vykłaŭ zdymki ŭ sietku. Skandalnaja fotasiesija ablacieła ŭvieś internet i vyklikała burnyja abmierkavańni. Hałoŭnaja sprava — pryciahnuć uvahu i dapamahčy dzieciam — była dasiahnutaja: kvitki pradali za 48 hadzin.
Ahułam u dapamohu dzieciam z zachvorvańniami serca było achviaravana bolš za 10 tys. dalaraŭ.
16-hadovaja Uljana Bahdanovič — dziaŭčyna, jakoj spatrebiŭsia ŭsiaho tydzień, kab praź internet sabrać 6 tys. dalaraŭ na kardyjałahičnuju apieracyju dla svajoj siabroŭki. I ŭsiaho miesiac, kab pryciahnuć da prablemy dziaciej-sardečnikaŭ, zdajecca, usiu stalicu.
14 lutaha Uljana zaklikała žurnalistaŭ i błohieraŭ nie «daryć adzin adnamu hetyja durnyja čyrvonyja sercy», a dapamahčy Mašy z Mahilova, jakaja maje patrebu ŭ apieracyi na sercy. Na zaklik adhuknulisia sotni karystalnikaŭ sacsietak, viadomyja błohiery i žurnalisty, a taksama arhanizatary Red Dress MTS. Nieabchodnaja suma była sabranaja za ličanyja dni.
«Ja nie čakała, što mnie stanie dapamahać tak šmat ludziej! — pryznajecca Uljana. — Ja razasłała bolš za 100 listoŭ pa ŭsim facebook. Pisała tym, pra kaho čytała, i tym, pra kaho čuła. Siońnia ja vielmi ŭdziačnaja ŭsim im za toje, što moj list nie syšoŭ u košyk. My zrabili važnaje».
Siońnia va Uljany «ŭ siabrach» bolš za tysiaču čałaviek (kali być dakładnym — 1081). Usie jany — «kamanda Uljany», ludzi, jakim nieabyjakava. Hrošy na apieracyju Mašy sabrany, ale kamanda na hetym nie spyniajecca. Kab zbor srodkaŭ na lačeńnie dziaciej z zachvorvańniami sardečna-sasudzistaj sistemy spraściŭsia, fond «Šaniec» adkryŭ adziny kanał dapamohi — «Serca» — dla achviaravańniaŭ dzieciam-sardečnikam.
Dabračynny fond «Šaniec»
Mižnarodny dabračynny fond dapamohi dzieciam «Šaniec» zasnavany ŭ 2008 hodzie. Jon akazvaje adrasnuju dapamohu ciažkachvorym dzieciam u vypadkach, kali vysokakvalifikavanaja i svoječasovaja miedycynskaja dapamoha nie moža być akazana miedycynskimi ŭstanovami abo apłačana ź biudžetnych srodkaŭ. Za 7 hadoŭ isnavańnia fond «Šaniec» akazaŭ dapamohu 593 dzieciam, sabraŭšy bolš za 8 młn dalaraŭ.
Fond «Šaniec» źjaŭlajecca niekamiercyjnaj arhanizacyjaj i nie vykarystoŭvaje sabranyja srodki na pakryćcio administracyjnych vydatkaŭ. Usie srodki, sabranyja za košt dziejnaści fondu, iduć na lačeńnie dziaciej.
Red Dress
Pieršaje defile čyrvonych sukienak prajšło ŭ Ńju-Jorku ŭ 2002 hodzie. Sabranyja srodki byli nakiravany na lačeńnie dziaciej, jakija pakutujuć zachvorvańniami serca. Z taho momantu dabračynnyja pakazy stali nieadjemnaj častkaj New York Fashion Week. Biełaruś padklučyłasia da ruchu ŭ 2010 hodzie. Za minułyja hady ŭdałosia sabrać dziasiatki tysiač dalaraŭ.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary