NATA stvaraje ŭmovy dla imklivaha pierasoŭvańnia vojsk u Jeŭropie
Z-za pahrozy z boku Rasii Paŭnočnaatłantyčny aljans vyvučaje ŭsie mahčymaści dla zabiaśpiačeńnia jak maha chutčejšaha ruchu vojsk pa Jeŭropie, asabliva Uschodniaj, piša defensenews.com
Pierš za ŭsio idzie praca ŭ śfiery zabiaśpiačeńnia adpaviednaha pravavoha i dypłamatyčnaha režymu dla armij sajuźnikaŭ — naziemnyja hrupoŭki NATA nie pavinny hublać času na afarmleńnie dakumientaŭ i hruzaŭ padčas pierasiačeńnia miežaŭ.
Zaraz, kab prajści polskuju miažu, amierykanskim vajskovym hruzam treba ad 15 da 30 dzion.
Taksama NATA budzie stvarać śpiecyjalnyja hrupy pa kantroli za rucham vojskaŭ, patreba ŭ jakich stała bolš vidavočnaj paśla minułahodnych mižnarodnych manioŭraŭ u Polščy i krain Bałtyi.
Buduć stvoranyja taksama vosiem asobnych padraździaleńniaŭ pa intehracyi sił NATA — kožnaje pa 40 čałaviek. Pieršyja ź ich źjaviacca ŭ Estonii, Łatvii, Polščy, Litvie, Rumynii i Bałharyi. Jany buduć zajmacca doŭhaterminovaj pracaj pa palapšeńni ŭzajemadzieńnia i zabiaśpiečvać chutkuju arhanizacyju ruchu i raźmiaščeńnia zamiežnych vojsk.
Viadziecca praca pa vyvučeńni transpartnaj infrastruktury Uschodniaj Jeŭropy - šyrynia i jakaść daroh, zdolnaść mastoŭ prapuskać techniku toj ci inšaj vahi.
Stvarajecca adzinaja baza dadzienych, u jakoj vajskovymi palicejskimi i inžynierami užo apisana bolš čym 15.000 km uschodniejeŭrapiejskich daroh.
Kamientary