Siońnia ŭ adnym ź interviju u dzień prajmeryz u Pensylvanii Klintan spytali, jak by jana pastupiła na pasadzie prezydenta, kali b Iran raspačaŭ jadziernuju ataku na Izrail.
U adnym ź interviju u dzień prajmeryz u Pensylvanii Klintan spytali, jak by jana pastupiła na pasadzie prezydenta, kali b Iran raspačaŭ jadziernuju ataku na Izrail.
«Ja chaču, kab irancy viedali: kali stanu prezydentam, to my ŭdarym pa Iranu [kali toj napadzie na Izrail], — adkazała Klintan. — Ciaham nastupnych dziesiaci hadoŭ, padčas jakich jany mohuć padumać pra napad na Izrail, my zmožam ich całkam źniščyć»
«Takija rečy strašna kazać, ale tyja, chto kiruje Iranam, pavinna pamiatać heta. Mahčyma, heta prymusić ustrymacca ad durnych, biazhłuzdych i trahičnych dziejańniaŭ», — skazała senatar.
Na dumku naziralnikaŭ, zaraz Klintan sparabuje zavajavać hałasy demakrataŭ, robiačy surjoznyja zajavy pra zamiežnuju palityku i demanstrujučy svaje liderskija jakaści.
Pazroza Iranu prahučała z teleekranaŭ padčas papiaredniaha hałasavańnia ŭ štacie Pensylvanija.
Pavodle prahnozaŭ, Klintan maje šancy pieramahčy Abamu ŭ hetym štacie: tut naradzilisia jaje baćka i dzied, tut žyvuć jaje metavyja vybarcy - «sinija kaŭnieryki» i ludzi starejšaha ŭzrostu.
Ale ŭvohule pakul Abama apiaredežvaje Klintan. U senatara ad štatu Ilinojs zaraz 1 638 hałasoŭ delehataŭ, u Klintan ‑ 1502. Dla abrańnia kandydatam nieabchodna atrymać minimum 2024 hałasy.
Eksperty kažuć, što nichto z kandydataŭ ad demakrataŭ nia zmoža sabrać stolki hałasoŭ, tamu ci Abamu, ci Klintan pryjdziecca zdymać svaju kandydaturu na karyść inšaha, abo proźvišča kandydata ad Demakratyčnaj partyi nazavie źjezd, jaki projdzie ŭ žniŭni.
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary