Prezident Ukrainy Piatro Parašenka hatovy abmianiać Nadzieju Saŭčanka na rasiejskich supracoŭnikaŭ HRU Alaksandra Alaksandrava i Jaŭhiena Jerafiejeva.
Pra heta havorycca ŭ zajavie Parašenki na jaho sajcie.
«U baraćbie za vyzvaleńnie Nadziei nas padtrymlivaje ŭvieś śviet. I ź siońniašniaha dnia hetaja baraćba ustupaje ŭ vyrašalnuju stadyju. Ja nie prosta spadziajusia na toje, što Nadzieja Saŭčanka vierniecca va Ukrainu. Rablu dla hetaha ŭsio mahčymaje. I niemahčymaje, zdajecca, taksama», — zajaviŭ Parašenka.
Jon adznačyŭ, što ŭ čas sustreč na vyšejšym uzroŭni ŭ narmandskim farmacie nieadnarazova ŭzdymaŭ pytańnie vyzvaleńnia Nadziei i inšych ukrainskich zakładnikaŭ i «byŭ padtrymany inšymi ŭdzielnikami farmatu. Prezident Pucin tady zajaŭlaŭ, što paśla tak zvanaha sudovaha rašeńnia viernie Nadzieju Saŭčanka Ukrainie».
«Nadyšoŭ momant vykanać abiacańnie. Ja ŭ svaju čarhu hatovy pieradać Rasii dvuch rasiejskich vajskoŭcaŭ, zatrymanych na našaj terytoryi za ich udzieł va ŭzbrojenaj ahresii suprać Ukrainy. Sudovy razhlad ich spraŭ znachodzicca na finalnaj stadyi. Adrazu paśla ich zaviaršeńnia ja hatovy šlacham adpaviednych pracedur zabiaśpiečyć ich vyjezd u RF», — adznačyŭ jon.
Taki padychod, pa słovach Parašenki, adpaviadaje punktu šeść Minskich damoŭlenaściej ab abmienie ŭsich na ŭsich.
«I heta pavinna być zroblena nieadkładna. Siońnia ŭsia Ukraina pobač z Nadziaj, jaje mamaj Maryjaj Ivanaŭnaj i siastroj Vieraj. Vieru, što našy sumiesnyja namahańni buduć paśpiachovyja. I Hieroj Ukrainy, narodny deputat Ukrainy, aficer ukrainskich Uzbrojenych Sił vierniecca da nas dadomu, dzie my ŭsie jaje čakajem», — zajaviŭ Parašenka.
Siońnia rasijski sud asudziŭ Nadzieju Saŭčanka da 22 hadoŭ źniavoleńnia.
Što zapisana aficyjnaj pryčynaj śmierci adzinaha syna Jarmošynaj?7
Kamientary