24 krasavika nabyŭ moc ukaz prezydenta № 533 ad 23 kastryčnika 2007 hodu, zhodna ź jakim admianiajucca panižalnyja kaeficyjenty da staŭki arendnaj płaty dla bolšaści hramadskich arhanizacyj.
24 krasavika nabyŭ moc ukaz prezydenta № 533 ad 23 kastryčnika 2007 hodu, zhodna ź jakim admianiajucca panižalnyja kaeficyjenty da staŭki arendnaj płaty dla bolšaści hramadskich arhanizacyj.
Zhodna z hetym dakumentam, panižalny kaeficyjent da arendnaj płaty dla arandavanych dziaržaŭnych pamiaškańniaŭ z krasavika 2008 hodu pa staŭcy 0,1 budzie prymianiacca tolki dla niekamercyjnych arhanizacyj, što zajmajucca humanitarnaj dziejnaściu; arhanizujuć dziciačyja i junackija spartyŭnyja sekcyi i hrupy, dziciačyja teatry, studyi, tancavalnyja, litaraturna‑mastackija kalektyvy; dla indyvidualnych pradprymalnikaŭ i aranizacyj pry kolkaści pracoŭnych‑invalidaŭ na arandavanych płoščach 50% i bolš ad siaredniaśpiskavaj kolkaści pracoŭnych; dla tvorčych sajuzaŭ dla raźmiaščeńnia majsterniaŭ, halerej, vystavačnych zalaŭ, studyj, labaratoryj, da 100 kv. metraŭ narmiravanaj płoščy.
Astatnija hramadzkija arhanizacyi buduć płacić u Miensku arendnuju płatu pa staŭcy 10 eŭra za kvadratny metar zamiest 1 eŭra.
Jak zajaviŭ BiełaPAN juryst hramadzkaha abjadnańnia «Biełaruski Chelsynkski kamitet» Hary Pahaniajła, dla mnohich arhanizacyj takija staŭki arendy «niepadjomnyja».
«Ciažka znajści takija vialikija srodki dla ŭtrymańnia ofisa, kali ty nie zajmaješsia kamercyjnaj dziejnaściu», — zaznačyŭ jon.
«Heta čarhovaja ekanamičnaja ŭdaŭka na šyi hramadskich abjadnańniaŭ. I ciažka budzie niejkim čynam asprečyć hety ŭkaz, pakolki, jak praviła, ni Kanstytucyjny, ni Viarchoŭny, ni Vyšejšy haspadarčy sud takich iskaŭ nie prymajuć», — skazaŭ juryst.
«Viadoma, niekatoryja arhanizacyi, jakija zajmajucca toj dziejnaściu, dla jakoj praduhledžana zachavańnie staroj staŭki arendy, mohuć zachavać ilhotny kaeficyjent. Adnak kamu zachavać ilhotnuju staŭku, a kamu nie, znoŭ ža buduć vyrašać orhany ŭłady», — zaznačyŭ H. Pahaniajła.
Ciapier čytajuć
Aryštavali pradstaŭnikoŭ kampanii Bayer u Biełarusi14
Kamientary