Kiraŭnik Jeŭraparłamienta škaduje ab vynikach refierendumu ŭ Niderłandach.
Staršynia Jeŭrapiejskaha parłamienta Marcin Šulc vykazaŭ škadavańnie ŭ suviazi z vynikam refierendumu ab ratyfikacyi pahadnieńnia ab asacyjacyi pamiž Jeŭrasajuzam i Ukrainaj, jaki prajšoŭ u Niderłandach.
Zaraz varta zmahacca za «cyvilizacyjny prajekt Jeŭropa», zajaviŭ niamiecki palityk u apublikavanym u piatnicu, 8 krasavika, u intervju hazietam vydavieckaha doma Funke Mediengruppe, pieradaje dw.com.
Pa słovach Šulca, arhumienty praciŭnikaŭ ratyfikacyi tyčylisia samych roznych rečaŭ, «ale tolki nie sutnaść pytańnia, a mienavita — pahadnieńnia ab asacyjacyi ES i Ukrainy».
Kiraŭnik parłamienta ES padzialiŭsia svaim mierkavańniem, što heta pahadnieńnie — važny elemient adnaŭleńnia miru ŭ rehijonie, jaki surjozna paciarpieŭ ad ahresii i vajny.
«Toje, što ciapier vyniku hetaha refierendumu radujucca mienavita tyja, chto prykłaŭ ruku da kryzisu va Ukrainie, — heta cynizm», — padkreśliŭ Marcin Šulc, majučy na ŭvazie stanoŭčuju reakcyju rasijskaha kiraŭnictva na vynik hałasavańnia ŭ Niderłandach.
6 krasavika ŭ Niderłandach adbyŭsia kansultatyŭny refierendum adnosna Pahadnieńnia ab asacyjacyi Ukrainy ź Jeŭrapiejskim Sajuzam.
Na hałasavańnie było vyniesiena pytańnie: «Vy «za» ci «suprać» ratyfikacyi Pahadnieńnia ab asacyjacyi pamiž Ukrainaj i ES?».
Pa dadzienych vybarčaha servisu Niderłandskaha infarmacyjnaha ahienctva (ANP Verkiezingsdienst), apublikavanych na sajcie telekanała NOS, «za» prahałasavali 38,1%, «suprać» — 61,1%.
-
Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
-
Vučyč pajšoŭ u adstaŭku z pasady prezidenta Sierbii. Kab stać premjeram
-
«Bačyli niejkich robataŭ». Pobač z bazaj VPS u Anhlii aryštavali piać čałaviek — ich padazrajuć u padrychtoŭcy teraktu
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary