Кіраўнік Еўрапарламента шкадуе аб выніках рэферэндуму ў Нідэрландах.
Старшыня Еўрапейскага парламента Марцін Шульц выказаў шкадаванне ў сувязі з вынікам рэферэндуму аб ратыфікацыі пагаднення аб асацыяцыі паміж Еўрасаюзам і Украінай, які прайшоў у Нідэрландах.
Зараз варта змагацца за «цывілізацыйны праект Еўропа», заявіў нямецкі палітык у апублікаваным у пятніцу, 8 красавіка, у інтэрв'ю газетам выдавецкага дома Funke Mediengruppe, перадае dw.com.
Па словах Шульца, аргументы праціўнікаў ратыфікацыі тычыліся самых розных рэчаў, «але толькі не сутнасць пытання, а менавіта — пагаднення аб асацыяцыі ЕС і Украіны».
Кіраўнік парламента ЕС падзяліўся сваім меркаваннем, што гэта пагадненне — важны элемент аднаўлення міру ў рэгіёне, які сур'ёзна пацярпеў ад агрэсіі і вайны.
«Тое, што цяпер выніку гэтага рэферэндуму радуюцца менавіта тыя, хто прыклаў руку да крызісу ва Украіне, — гэта цынізм», — падкрэсліў Марцін Шульц, маючы на ўвазе станоўчую рэакцыю расійскага кіраўніцтва на вынік галасавання ў Нідэрландах.
6 красавіка ў Нідэрландах адбыўся кансультатыўны рэферэндум адносна Пагаднення аб асацыяцыі Украіны з Еўрапейскім Саюзам.
На галасаванне было вынесена пытанне: «Вы «за» ці «супраць» ратыфікацыі Пагаднення аб асацыяцыі паміж Украінай і ЕС?».
Па дадзеных выбарчага сэрвісу Нідэрландскага інфармацыйнага агенцтва (ANP Verkiezingsdienst), апублікаваных на сайце тэлеканала NOS, «за» прагаласавалі 38,1%, «супраць» — 61,1%.
Цяпер чытаюць
«Шпіён у кішэні»: расійскі месенджар Max сочыць за карыстальнікамі і дапамагае блакаваць VPN2
Каментары