Sacyjał-demakraty prapanujuć pierajmienavać Leninski rajon Bresta
Sacyjał-demakraty prapanujuć pierajmienavać Leninski rajon Bresta. Adpaviedny zvarot byŭ nakiravany ŭ Brescki haradski Saviet deputataŭ.
U im adznačajecca, što Leninski rajon horada Bresta byŭ utvorany 7 krasavika 1978 hoda ŭkazam prezidyuma Viarchoŭnaha Savieta BSSR. Nazva rajona ŭ toj čas adpaviadała kanstytucyjnamu ładu i ideałohii isnujučaj dziaržavy — SSSR. U 1991 hodzie hetaja dziaržava spyniła svajo isnavańnie, a Respublika Biełaruś nie źjaŭlajecca pravapierajemnicaj Savieckaha Sajuzu.
Pra dadzienuju inicyjatyvu Jeŭraradyjo raspavioŭ Andrej Vaŭčok, staršynia Leninskaj rajonnaj arhanizacyi Biełaruskaj sacyjał-demakratyčnaj partyi (Hramada) horada Bresta:
«Leninski rajon nazvany ŭ honar Lenina, jaki ŭvohule nie maje anijakaha dačynieńnia da horada Bresta. Jość šmat inšych ludziej, jakija zrabili značna bolš dla historyi horada, čym Lenin. Svaich varyjantaŭ [novaj nazvy] my pakul nie majem, ale dumaju, što jany chutka źjaviacca. Dumaju, što nas padtrymajuć ludzi i paźniej my budziem pa hetym pytańni pravodzić kruhłyja stały».
Andrej Vaŭčok ličyć, što nazva Leninskaha rajona supiarečyć Kanstytucyi Respubliki Biełaruś. U 4-m artykule adznačajecca: «demakratyja ŭ Respublicy Biełaruś ažyćciaŭlajecca na asnovie raznastajnaści palityčnych instytutaŭ, ideałohij i mierkavańniaŭ. Ideałohija palityčnych partyj, relihijnych abo inšych hramadskich abjadnańniaŭ, sacyjalnych hrup nie moža ŭstanaŭlivacca ŭ jakasci abaviazkovaj dla hramadzian». Uładzimir Lenin, u honar kaho nazvany ceły rajon horada, źjaŭlajecca nośbitam adnoj ideałohii, adnoj partyi, padkreślivaje palityk.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary