Jak paviedamiła BiełaPAN opierupaŭnavažany pa asabliva važnych spravach hałoŭnaha ŭpraŭleńnia pa baraćbie z karupcyjaj i ekanamičnymi złačynstvami MUS Biełarusi Vieranika Paśmiećjeva, u studzieni 2007 hoda supracoŭnikami słužby pa baraćbie z ekanamičnymi złačynstvami HUUS Minharvykankama byli zatrymany słužbovyja asoby RUP «Biełmiedpreparaty»: namieśnik hienieralnaha dyrektara, hałoŭny buchhałtar, kiraŭnik pa naličeńni zarpłaty, dva buchhałtary‑kasiry i były indyvidualny pradprymalnik.
Apošnija z 2002 pa 2006 hod, złoŭžyvajučy słužbovymi paŭnamoctvami, učynili kradziež hrašovych srodkaŭ u asabliva bujnym pamiery. Jany zaklučali fiktyŭnyja dahavory ź fizičnymi asobami na praviadzieńnie rekłamy lekavych preparataŭ u krainach SND (Ukraina, Rasija i inš.), śpisvali na heta najaŭnyja hrašovyja srodki praz kasu, faktyčna ž rekłama nie pravodziłasia. Takim čynam, słužbovyja asoby ŭčynili kradziež hrašovych srodkaŭ amal na 700 miljonaŭ rubloŭ.
Za kradziež u asabliva bujnym pamiery (č. 4 art. 210 Kryminalnaha kodeksa) u dačynieńni da hetych hramadzian była raspačata i rasśledavana sprava.
Sudom Maskoŭskaha rajona Minska były namieśnik hiendyrektara i hałoŭny buchhałtar RUP «Biełmiedpreparaty» asudžany da dzieviaci z pałovaj hadoŭ pazbaŭleńnia voli z kanfiskacyjaj majomaści, jašče try buchhałtary asudžany da pazbaŭleńnia voli terminami ad piaci da šaści hadoŭ.
Kamientary