Šumčanka: Respublikanski forum pradprymalnikaŭ projdzie 13 červienia
Praviadzieńnie respublikanskaha forumu pradprymalnikaŭ, jaki arhanizuje RHA «Pierśpiektyva», zapłanavana na 13 červienia, paviedamiŭ staršynia abjadnańnia Anatol Šumčanka.
Paśla doŭhich pošukaŭ pamiaškańnia forum vyrašana pravodzić u Domie Maskvy ŭ Minsku. Pačatak mierapryjemstva zapłanavany na 12.00. Tema forumu — «Pradprymalniki i ŭłada: adkryty dyjałoh pa ŭmacavańni i raźvićci davieru».
Pieršapačatkova forum płanavałasia pravieści 30 maja ŭ aktavaj zale haścinicy «Biełaruś», adnak z administracyjaj hatela «Pierśpiektyvie» damovicca nie ŭdałosia. «My źviarnulisia z prośbaj ab sadziejničańni ŭ Minharvykankam i ŭdziačnyja za dapamohu», — paviedamiŭ Šumčanka.
Pavodle jaho słoŭ, abjadnańnie taksama maje namier arhanizavać u najbližejšy čas sieryju rehijanalnych forumaŭ pradprymalnikaŭ, u pryvatnaści ŭ Mahilovie i Homieli.
U siaredzinie krasavika «Pierśpiektyvie» niekalki razoŭ admaŭlali ŭ arendzie załaŭ dla praviadzieńnia sustrečy.
Z pačatku hoda pačaŭ dziejničać ukaz prezidenta № 222 ab pradprymalnickaj dziejnaści, jaki paralizavaŭ pracu častki indyvidualnych pradprymalnikaŭ, što handlujuć lehpramam, pakolki zhodna z dakumientam IP ciapier mohuć handlavać tolki toj pradukcyjaj lehprama, uviezienaj z krain Mytnaha sajuza, na jakuju ŭ ich jość supravadžalnyja dakumienty. Adnak da kanca sakavika bolšaść pradprymalnikaŭ adnavili pracu, niahledziačy na ryzyku być aštrafavanymi i pazbaŭlenymi tavaru.
Piać byłych siłavikoŭ prasili svaich kaleh nie być zališnie žorstkimi. Ciapier im pahražajuć vielizarnyja terminy9
Kamientary