Zelvienskim rajonnym adździełam Śledčaha kamiteta raspačataja kryminalnaja sprava pa fakcie kradziažu achviaravanych viernikami juvielirnych vyrabaŭ z pravasłaŭnaj carkvy ŭ vioscy Synkavičy Zelvienskaha rajona.
Carkva ŭ Synkavičach. Fota Julii Balcevič
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, nočču 4 maja, vyrvaŭšy akonnyja kraty i abiastočyŭšy achoŭnuju sihnalizacyju, u carkvu Śviatoha Michaiła pranikli nieviadomyja ŭ maskach. Raźbiŭšy achoŭnaje škło na ikonie Božaj Maci «Usiecaryca», vykrali achviaravanyja viernikami juvielirnyja vyraby i ŭciakli.
Z udziełam śledčych abłasnoha ŭpraŭleńnia SK zrobleny ahlad miesca zdareńnia. Vyjaŭlenyja i kanfiskavanyja rečavyja dokazy, pryznačanyja nieabchodnyja ekśpiertyzy. Vyvučajucca zapisy z ustanoŭlenych u carkvie kamier videanazirańnia. Vyśviatlajecca kolkaść i košt vykradzienych vyrabaŭ.
Abraz Božaj Maci «Usiecaryca», a taksama inšyja pradmiety relihijnaha pryznačeńnia nie apahanienyja.
Śledčyja dapytvajuć žycharoŭ vioski Synkavičy, viernikaŭ carkvy, ustaloŭvajuć asob, jakija mahli stać śviedkami kradziažu.