Зэльвенскім раённым аддзелам Следчага камітэта распачатая крымінальная справа па факце крадзяжу ахвяраваных вернікамі ювелірных вырабаў з праваслаўнай царквы ў вёсцы Сынкавічы Зэльвенскага раёна.
Як паведаміў афіцыйны прадстаўнік упраўлення СК па Гродзенскай вобласці Сяргей Шаршаневіч, ноччу 4 мая, вырваўшы аконныя краты і абясточыўшы ахоўную сігналізацыю, у царкву Святога Міхаіла праніклі невядомыя ў масках. Разбіўшы ахоўнае шкло на іконе Божай Маці «Усецарыца», выкралі ахвяраваныя вернікамі ювелірныя вырабы і ўцяклі.
З удзелам следчых абласнога ўпраўлення СК зроблены агляд месца здарэння. Выяўленыя і канфіскаваныя рэчавыя доказы, прызначаныя неабходныя экспертызы. Вывучаюцца запісы з устаноўленых у царкве камер відэаназірання. Высвятляецца колькасць і кошт выкрадзеных вырабаў.
Абраз Божай Маці «Усецарыца», а таксама іншыя прадметы рэлігійнага прызначэння не апаганеныя.
Следчыя дапытваюць жыхароў вёскі Сынкавічы, вернікаў царквы, усталёўваюць асоб, якія маглі стаць сведкамі крадзяжу.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары