Urad Hiermanii ŭchvaliŭ zakon, jaki dazvalaje ciažka chvorym pacyjentam atrymlivać marychuanu pa recepcie daktaroŭ. Dakumient nabudzie moc ź viasny nastupnaha hoda.
Na siońniašni dzień pacyjenty ŭ Hiermanii, jakija pakutujuć na rak, ŚNID, chvarobu Parkinsana abo raśsiejany skleroz, mohuć atrymać marychuanu tolki pa śpiecyjalnym dazvole i pavinny sami apłačvać jaje nabyćcio.
Pavodle novaha zakona, kanabis stanie dastupnym u aptekach, a vydatki na jaho zakupku buduć pakryvacca sistemaj achovy zdaroŭja krainy.
Pry hetym pradstaŭniki kabinieta ministraŭ adznačajuć, što ŭłady nie majuć namieru dazvalać užyvańnie marychuany ŭ rekreacyjnych metach.
Zakony, jakija dazvalajuć vykarystańnie marychuany ŭ miedycynskich metach, dziejničajuć u niekalkich jeŭrapiejskich krainach i ŭ niekalkich štatach ZŠA.
U śniežni 2013 hoda Uruhvaj staŭ pieršaj krainaj śvietu, jakaja całkam lehalizavała vykarystańnie marychuany.
Za hod da hetaha ŭ štacie Vašynhton byŭ pryniaty zakon, jaki dazvalaje zachoŭvańnie nievialikaj kolkaści marychuany dla asabistaha karystańnia.
