Урад Германіі ўхваліў закон, які дазваляе цяжка хворым пацыентам атрымліваць марыхуану па рэцэпце дактароў. Дакумент набудзе моц з вясны наступнага года.
На сённяшні дзень пацыенты ў Германіі, якія пакутуюць на рак, СНІД, хваробу Паркінсана або рассеяны склероз, могуць атрымаць марыхуану толькі па спецыяльным дазволе і павінны самі аплачваць яе набыццё.
Паводле новага закона, канабіс стане даступным у аптэках, а выдаткі на яго закупку будуць пакрывацца сістэмай аховы здароўя краіны.
Пры гэтым прадстаўнікі кабінета міністраў адзначаюць, што ўлады не маюць намеру дазваляць ужыванне марыхуаны ў рэкрэацыйных мэтах.
Законы, якія дазваляюць выкарыстанне марыхуаны ў медыцынскіх мэтах, дзейнічаюць у некалькіх еўрапейскіх краінах і ў некалькіх штатах ЗША.
У снежні 2013 года Уругвай стаў першай краінай свету, якая цалкам легалізавала выкарыстанне марыхуаны.
За год да гэтага ў штаце Вашынгтон быў прыняты закон, які дазваляе захоўванне невялікай колькасці марыхуаны для асабістага карыстання.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары